Վրաստանի խորհրդարանի խոսնակը նախագահական պալատի վրա հարձակման փորձը ահաբեկչություն է որակել

Հոկտեմբերի 4-ին Վրաստանի նախագահական պալատի վրա կատարված գրոհի փորձը, որի նպատակն էր կառավարությունը տապալելը, որակվել է՝ որպես ահաբեկչական գործողություն: Խորհրդարանի խոսնակ Շալվա Պապուաշվիլին համապատասխան հայտարարություն է արել Վրաստանի Հանրային հեռարձակողի Առաջին ալիքի եթերում։

«Վրաստանում տեղի է ունեցել ահաբեկչական հարձակում: Նախագահական պալատը գրավվել է, և այս մարդիկ՝ եվրահանձնակատարներ [Մարթա] Կոսը և [Կայա] Կալլասը, ինչպես նաև մամուլի խոսնակ [Անիտա] Հիպպերը, որոնք աջակցել են բռնության հեղինակներին, ոչինչ չեն նկատում», - հայտարարել է Պապուաշվիլին։

Խոսնակի խոսքով՝ Եվրամիությունը փորձում է երկխոսություն հաստատել ձախողված հեղաշրջման փորձից հետո, սակայն Եվրահանձնաժողովը և Վրաստանում ԵՄ դեսպան Պավել Գերչինսկին պետք է բացատրություն տան Հիպպերի կողմից իշխանության զավթման պլանավորված աջակցության համար։