Թե ինչու Գևորգին («Անծանոթ» սերիալի Դավիթին) «փախցրեց» իր նշանածը

«Անծանոթ» հեռուսատասերիալից Գևորգ  Գրիգորյանը, ով այժմ մարմնավորում է երիտասարդ Դավիթի կերպարը, ընդամենը հունվարի սկզբին է նշանադրվել: Գևորգը խաղացել է «Բանակում» հեռուստասերիալում՝ Բարոյանի կերպարում:

Այս առիթով Lurer.com–ը զրուցեց Գաևորգի և նրա նշանածի՝ Մարիամի հետ:

Ի դեպ, նշենք, որ Գևորգը նախ սովորել է ԵՊՀ-ի աստվածաբանական ֆակուլտետում, ապա ինչ-ինչ պատճառներով ուսումը կիսատ է թողել և ընդունվել Թատրոնի և կինոյի պետական ինստիտուտի դերասանական բաժին: Իսկ նրա սիրելին՝ Մարիամը, ունի երեք մասնագիտություն՝ արևելագետ, քաղաքագետ, դիվանագետ:

-Դավիթ, կպատմե՞ք, թե ինչ հանգամանքներում եք ծանոթացել Մարիամի հետ:
(Դավիթը նախընտրեց, որպեսզի Մարիամը պատասխանի մեր հարցերին):

-Ծանոթանալու առիթ հանդիսացել է իմ սանիկը, ես մանկատանը սանիկներ ունեմ: Մի անգամ, երբ նրանց այցելեցի, «Բանակում» սերիալն էին նայում, սանիկիս հարցրի, թե ում է հավանում, նա ցույց տվեց Բարոյանին (Գևորգի մարմնավորած կերպարը) և ասաց, որ նա իր հերոսն է: Ինձ մոտ միտք առաջացավ գտնել Գևորգի կոնտակտները և նրանց ծանոթացնել: Զանգեցի նրան, ասացի, թե ինչումն է խնդիրը, պայմանավորվեցինք, հանդիպեցինք և գնացինք մանկատուն: Արդյունքում սանիկս ծանոթացավ իր հերոսի հետ, ես էլ՝ իմ ապագա հերոսի հետ:

-Որքա՞ն ժամանակ է, որ ծանոթ եք միմյանց հետ, և երբ հասկացաք, որ զգացմունքները վերափոխվել են սիրո:
-Հունվարի 15-ին կլրանա մեր ծանոթության 11 ամիսը: Ծանոթությունից հետո շատ արագ ընկերացանք, ընդհանուրություններ ունեինք: Իսկ զգացմոնքները կարծես թե հենց առաջին հանդիպումից են առաջացել երկուսիս մոտ: Անկեղծ ասած՝ ես անգամ հեռուստասերիալից նկատել էի նրան, քանի որ նրա ձայնը հետաքրքիր ձևով ազդում էր ինձ վրա: Ու հետո սանիկս առիթ դարձավ իրականում նրա հետ ծանոթանալու:

-Կարո՞ղ եք առանձնացնել Գևորգի հանդեպ ունեցած ձեր զգացմունքների գլխավոր «մեխը»:
-Իր մեջ կեղծավոր ոչինչ չկա, անպիսին է, ինչպիսին կա:

-Եվ քանի որ իդեալական մարդիկ չկան, ո՞րն է Գևորգի բնավորության բացասական կողմը, գաղտնիքները կբացե՞ք:
- Գևորգի բացասական կողմն այն է, որ նա իդեալական չէ (ծիծաղում է): Իսկ եթե լուրջ, ապա նա շատ տաքարյուն, երբեմն` անհամբեր, սարսափելի խանդոտ տղամարդ է ,բայց դա երբեմն... Իսկ իրականում հրաշք ա...



-Քանի որ ձեր կողակիցը հանրությանը հայտնի համակրելի երիտասարդ է, բնականաբար հակառակ սեռի ուշադրությունից խուսափելն անհնար է, դա երբևէ խանդելու առիթ տվե՞լ է Ձեզ:
-Աղջիկների` Գևորգի հանդեպ ուշադրությանը, սիրուն նորմալ եմ վերաբերվում: Ես գիտեմ՝ ով է կողքիս: Գևորգին ընտրելով՝ ես գիտեի, որ դա անխուսափելի է: Իհարկե, պետք է նշեմ, որ, ի տարբերություն մարզերում բնակվող աղջիկների, (մենք միասին շատ ենք շրջագայում) Երևանի աղջիկները փոքր–ինչ անհարգալից են տվյալ անձնավորության կողակցի հանդեպ: Այդուամենայնիվ, ի տարբերություն նրան, ես այդքան խանդոտ չեմ:

Բացի այդ, Գևորգն էլ ամեն ինչ անում է, որ դա բացի աշխատանքից այլ սահմաններ չանցնի, և ես առիթ չունենամ խանդելու:

-Դերասանները հիմնականում լինում են ավելի էմոցիոնալ և զգացմունքային, այս երկու գծերի շնորհիվ ի՞նչ հետաքրքիր արարքներ է արել Գևորգը:
- (Մինչ Մարիամը փորձում էր կողմնորոշվել, թե որ դեպքը պատմի, Գևորգը կողքից հուշում էր ).. Իր կողմից սիրո խոստովանությունը եղել է երգի տեսքով: Իհարկե, ես գիտեի, որ նա սիրահարված է, նա հրաշալի կիթառ է նվագում և գեղեցիկ ձայն ունի, երգ էր գրել, որի վերջում այսպիսի բառեր կային՝ «Սիրում եմ քեզ, Ամեն…»: Ես անմիջապես հասկացա այդ բառերի հասցեատերը ով է, հատկապես, որ նա երգելիս կարմրել էր:

Ինչպես պարզվեց, Մարիամն էլ հետ չի մնում իր խենթություններով և Գևորգի ծննդյան օրը ինքն է «փախցրել» նրան:
- Ես և Գևորգի մտերիմ ընկերը պլանավորեցինք, և նրան անակնկալ մատուցելով՝ «փախցրինք» Իջևանի Լաստիվեր անապատ: Հենց այնտեղ էլ մեր ընկերներից 2-ի հետ նշեցինք իր ծննդյան օրը:



-Մարիա՛մ, Ձեր միջև զգալի տարիքային տարբերություն կա (Գևորգը ծնվել է 1990 թ.-ին, Մարիամը՝ 1985թ.-ին), այդ հանգամանքը որևէ կերպ խնդիրներ ստեղծե՞լ է:
- Գևորգի երկրպագուներն էլ են հաճախ նրան հարցում այդ մասին: Իմ ու նրա հարաբերություններում երբեք չենք զգացել այդ տարբերությունը: Թեև սկզբում ես էի մի փոքր անհանգիստ այդ առումով: Բայց նա շատ ավելի հասուն է, քան ցանկացածը, ով կարող էր ավելի մեծ լինել տարիքով: Տարիքային տարբերությունը խնդիր է եղել իմ ընտանիքում: Ծնողներս դեմ էին: Սակայն Գևորգը այնքան հաստատուն էր, որ այն ևս լուծվեց ի վերջո:

-Գևո՛րգ, որպես արական սեռի ներկայացուցիչ, ի՞նչն է ձեզ գրավում կամ վանում գեղեցիկ սեռի մեջ:
-Երևի հատուկ հատկանիշ չկա, ինչ-որ ներքին բան է. աղջկա ներքին աստղը, փայլը, որն առանց խոսելու, շփվելու ինձ կարող է գրավել:

Ինչպես խոստովանեց Գևորգը, հարսանիքը ևս սարերի ետևում չէ:
-Նախատեսել ենք այս տարվա աշնանը ամուսնանալ:

Lurer.com-ը շնորհավորում է զույգին նշանադրության առթիվ:)

Ռուբինա Հակոբյան
Լուսանկարները՝ զույգի անձնական արխիվից

 
{gallery}343{/gallery}