Երևանը փոխվում է՝ պահպանելով իր ոգին, բայց ամեն օր մի փոքր ավելի լավն է դառնում. Ավինյան

Երևանի քաղաքապետ Տիգրան Ավինյանը տեսանյութ է հրապարակել Ֆեյսբուքի իր էջում՝ գրելով․ «Շնորհավոր տոնդ, մեր սիրելի Երևան»:

Ավելի վաղ հայտնել էինք՝ Երևանի քաղաքապետարանը երևանցիներին և մայրաքաղաքի հյուրերին հրավիրում է միասին տոնելու մայրաքաղաքի 2807-ամյակը։

Ուղերձում նշված է. «Երևանը քո տունն է։

Ամեն առավոտ, երբ քաղաքն արթնանում է, նրա շունչը զգացվում է քո քայլերում, քո ժպիտում։

Քաղաքի կյանքը սկսվում է հենց քեզնից՝ քո գործից, քո պատասխանատվությունից ու սիրուց նրա հանդեպ։ Դու պարզապես չես ապրում Երևանում․ դու կառուցում ես այն՝ ամեն օր, ամեն քայլով։

Գիտեմ՝ դեռ շատ խնդիրներ կան։ Բայց հենց դրանց լուծման ճանապարհին է երևում մեր միասնականությունը։ Քաղաքը փոխվում է՝ պահպանելով իր ոգին, բայց ամեն օր մի փոքր ավելի լավն է դառնում»։