Պուտինը որպես ռուսների մեծ խնդիրների գլխավոր պատճառ. Forbes

Ամերիկյան Forbes պարբերականն անդրադարձ է կատարել ՌԴ նախագահ Վլադիմիր Պուտինին և այսպես կոչված «Պուտինիզմին»:

Պուտինի նոր վերադարձն այս անգամ ավելի լուրջ է շփոթեցրել Արևմուտքին, չնայած կանխատեսվում էր 2008 թվականին: Երբ Պուտինը կարողացավ իր ռուսական ընտրազանգվածի միջոցով խելացիորեն շրջանցել սահմանադրությունը ընտրվել երրորդ նախագահական շրջանը, Արևմուտքը զարմանքի մեջ էր: Պուտինը, ուշադրություն դարձնելով սահմանադրությանը, իր երկրորդ նախագահական շրջանի ավարտին իր պաշտոնին նշանակեց Մեդվեդեվին, որը նահանջեց և դարձավ վարչապետ, երբ սահմանադրությամբ Պուտինը իրավունք ստացավ երրորդ անգամ դառնալու նախագահ:

Չնայած ընտրության դիտորդները նշում էին, որ Ռուսաստանում տեղի են ունեցել խարդախություններ, լցոնումներ և տիրում է համատարած կաշառակերություն, սակայն Պուտինը նշեց, որ «Ռուսաստանում անցկացվել է երկրում ամենաազնիվ ընտրությունները»: Չնայած ընտրական խարդախություններին՝ Ռուսաստանում դեռևս մարդիկ կան, որոնք պաշտպանում են Պուտինին: Մեդիայի շատ աստղեր, որոնք կապված են Պուտինի հետ, երբեմն խրախուսվում են վերջինիս կողմից:

Պուտինի ռեժիմի տապալման մասին կան բազմաթիվ վերլուծություններ, սակայն այս ուսումնասիրության մեջ հաշվի չի առնում Պուտինին կողմնակից ընտրազանգվածը: Հանրային մտածելակերպի գլխավոր սխալն այն է, որ նրանք ավելի շատ մեղադրում են ընտրությունը, քան ընտրողին: Քաղաքական վերլուծաբանները չեն կարողանում կամ չեն ցանկանում նկատել ռուսների՝ անվտանգության և միջազգային հարաբերություններում ձևական հեղինակության ցանկությունը կիսաբռնատերի ձեռքում:

Ավելի անհանգստացնում է ոչ թե ընտրությունների ժամանակ կառավարության կողմից կառավարումը կամ միջամտությունը, այլ ընտրություններից հետո տիրող մթնոլորտը: Պուտինը կարող է հաղթել ազատ ընտրություններում ոչ այն պատճառով, որ նա ժողովրավարություն է վայելում, այլ այն պատճառով որ սահմանադրության համաձայն, քաղաքական մրցակիցները չեն կարող իրական սպառնալիք ներկայացնել: Քանի որ սահմանադրության համաձայն Ռուսաստանը լիակատար իշխանությամբ է օժտում նախագահական համակարգին, և՛ Ազգային ժողովը, և՛ սահմանադրական դատարանն ավելի քիչ իրավունքներ ունեն: