Վրաստանի նախագահը մեկնել է Թուրքիա՝ հետևելու իր երկրի ֆուտբոլային խաղին

Վրաստանի նախագահ Միխեիլ Կավելաշվիլին այցելել է Թուրքիա՝ ներկա գտնվելու Վրաստանի և Թուրքիայի հավաքականների ֆուտբոլային հանդիպմանը։ Այս մասին հայտնում է APA գործակալությունը։

Ըստ հաղորդման՝ նախագահին Ստամբուլի օդանավակայանում դիմավորել է Թուրքիայի ԱԳ նախարարի տեղակալը։ Նշվում է, որ Կավելաշվիլին խաղը դիտելու է իր երեխաների հետ միասին։

Ֆուտբոլային հանդիպումը Վրաստանի և Թուրքիայի հավաքականների միջև կանցկացվի հոկտեմբերի 14-ին, Մոսկվայի ժամանակով 21:45-ին։