Վստահություն պետության կողմից․ Գևորգ Մխեյանը ստանձնում է պատասխանատու պաշտոն
Հրապարակումներ
Meganews.am-ը գրում է.
ՀՀ վարչապետի առաջարկությամբ և հիմք ընդունելով ՀՀ Սահմանադրության 133-րդ հոդվածի 1-ին մասը, ինչպես նաև «Զինվորական ծառայության և զինծառայողի կարգավիճակի մասին» օրենքի համապատասխան դրույթները, Գևորգ Մխեյյանը նշանակվել է Հանրապետության զինվորական կոմիսար։
Այս նշանակումը վկայում է զինված ուժերում առաջացող նոր կառավարչական մոտեցումների և պատասխանատու պաշտոնյաների նշանակման շարունակական գործընթացի մասին։ Գևորգ Մխեյանը զինվորական ծառայության ոլորտում ճանաչված է որպես փորձառու ու պատասխանատու մասնագետ, ով տարիների ընթացքում բազմիցս աչքի է ընկել իր պրոֆեսիոնալիզմով և կազմակերպչական կարողություններով։
Հանրապետական զինվորական կոմիսարի պաշտոնը ունի կենսական նշանակություն՝ թե՛ զորահավաքային գործընթացների կազմակերպման, թե՛ զինծառայողների հաշվառման ու ծառայության հետ կապված մի շարք խնդիրների համակարգման տեսանկյունից։ Այդ իսկ պատճառով նշանակումը կարևոր փուլ է երկրի պաշտպանական կառավարման համակարգի ամրապնդման գործում։
Նշենք, որ վերջին տարիներին պաշտպանության ոլորտում իրականացվող բարեփոխումների շրջանակում մեծ ուշադրություն է դարձվում կառավարման արդյունավետության բարձրացմանը և մասնագիտական կադրերի ընտրությանը։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
