Մենք պետք է հասկանանք, որ զինված ուժերում ճողվածք է առաջանալու, ինչը ծանր հետևանքներ է ունենալու. Տիգրան Աբրահամյան
Հրապարակումներ
ԱԺ «Պատիվ ունեմ» խմբակցության քարտուղար Տիգրան Աբրահամյանը գրում է․
«Պաշտպանության նախարարն ԱԺ-ում հայտարարեց, որ պարտադիր ժամկետային ծառայությունը 6 ամսով կրճատելը չի կարող համարվել բանակի կրճատում` որպես հիմնավորում բերելով պայմանագրային ծառայողների աճը:
Նախ ժամկետային ծառայության 6 ամսով կրճատումը նշանակում է այդ ուղղությամբ զորակոչվողների 25%-ով կրճատում, երկրորդ, ՊՆ-ի հաղորդած պայմանագրայինների թվի աճը համարժեք չէ կրճատվողների թվին:
Եվ ամենակարևորը` իշխանության տարբեր դեմքեր, մինչև այս փոփոխությունը խոստովանում էին, որ համալրման լուրջ խնդիր կա ու այդ պայմաններում բանակի անհամարժեք կրճատման են գնում:
Ես հասկանում եմ հասարակության մի մասի ուրախությունը, ովքեր այս առաջարկը դիտարկում են էմոցիոնալ ու ոչ մասնագիտական տեսանկյունից, բայց մենք պետք է հստակ հասկանանք, որ առանց այդ էլ առկա բազմաթիվ բարդությունների պայմաններում, զինված ուժերում ճողվածք է առաջանալու, ինչը երկրի պաշտպանողականության վրա ծանր հետևանքների է ունենալու»:
ՈՒՂԻՂ ԵԹԵՐ
Ամենադիտված 
Սպասվում է անոմալ տաք եղանակ՝ նորմայից մինչև 25 աստիճան բարձր
