Կա՛մ բացել սահմանը, կա՛մ Թուրքիային թողնել սևերես

Ինչպես արդեն տեղեկացրել էինք, ակտիվիստ Դանիել Իոաննիսյանի նախաձեռնությամբ ԱՄՆ-ի նախագահ Բարաք Օբամայի ադմինիստրացիայի կայքում կազմակերպվել է ստորագրահավաք հայ-թուրքական սահմանի բացման համար:

Ստորագրահավաքի մասնակիցները ցանկանում են, որ Թուրքիան առանց նախապայմանների Հայաստանի հետ բացի սահմանը՝ առնվազն սիրիահայ փախստականների համար:

Lurer.com-ի հետ զրույցում ստորագրահավաքը նախաձեռնող Դանիել Իոաննիսյանն ասաց. «Ստորագրահավաքը մինչև փետրվարի 4-ն է  լինելու, դրանից հետո, եթե 25 հազար ձայն հավաքվի, վարչակարգն անպայման կարձագանքի, եթե նույնիսկ ավելի քիչ հավաքվի էլ՝ համոզված եմ, որ արձագանք կստանանք: Արդեն իսկ մոտ 650 ստորագրություն է հավաքվել»:

Վերջինիս խոսքով ստորագրահավաքը երկու որակի արդյունք կարող է տալ՝ կա՛մ սահմանը կբացվի, կա՛մ աշխարհը կտեսնի, որ Թուրքիայի սահմանը փակ է անգամ փախստակաների առջև: «Եվրոպական երկրներն իրենց երկիրի հակաօդային պաշտպանությունը թողած պաշտպանում են թուրքիայի սահմանները. թող տեսնեն՝ Թուրքիան այն հրեշտակը չէ, որին անձնազոհ պաշտպանում են: Կա՛մ բացել սահմանը, կա՛մ Թուրքիային թողնել սևերես»,- հավելեց Դանիել Իոաննիսյանը:

Հավելենք, որ ստորագրահավաքին մասնակցելու համար պետք է մտնել https://petitions.whitehouse.gov/register?destination=petition/call-government-turkey-open-its-border-armenia-refugees-syria/nbmX159C%22%20\t%20%22_blank հղումով և անցնել շատ կարճ գրանցումը, ապա էլեկտրոնային փոստից գրանցումը հաստատելուց հետո սեղմել sign this petition կոճակը:

Ստորագրահավաքին հետևելու, ինչպես նաև ստորագրողների քանակը տեսնելու համար մտեք այս հղմամբ.

https://petitions.whitehouse.gov/petition/call-government-turkey-open-its-border-armenia-refugees-syria/nbmX159C?utm_source=wh.gov&utm_medium=shorturl&utm_campaign=shorturl