Իշխող ռեժիմը մի քանի ճակատով է խաղում՝ երկրի օկուպացիա և իշխանության երկարաձգում․ Աբրահամյան
Հրապարակումներ
ԱԺ պատգամավոր Տիգրան Աբրահամյանը գրում է․
«Իշխանությունը միանգամից մի քանի ճակատով է խաղում, սակայն բոլորը մեկ ընդհանուր նպատակի են ծառայեցվում` երկրի օկուպացիա և իշխանության երկարաձգում:
Փորձում են չեզոքացնել համայնքների այն ղեկավարներին, որոնք յուրային չեն, շուտով նաև պայմանական չեզոքներով էլ կզբաղվեն:
Երկրորդ, փորձում են հեղինակազրկել երկրում ամենաբարձր հանրային վստահություն վայելող կառույցը` Հայ Առաքելական Սուրբ Եկեղեցին:
Արանքում էլ Վաղարշապատում փորձում են ընտրություն կրել` այնտեղ կենտրոնացնելով իրենց ողջ ռեսուրսը: Այնտեղ փորձում են ներկայանալ մի թեկնածուով, ով իրականում շիրմայի դեր ունի, իսկ տակը թաքցված է այս իշխանության ողջ պերճանքն ու թշվառությունը` օդիոզ դեմքերով, ճամբարափոխներով ու պետության ոչնչացման գաղափարներով:
Խորամանկ աղվեսը միշտ երկու ոտքով է թակարդն ընկնում: Մեկ է` այս վտանգավոր խաղը մի օր ավարտվելու է, իսկ տակը մնալու են ռեժիմի դեմքի համար խամաճիկ ծառայածներն ու «գլխարկ փոխողները»»:
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
