Հայաստանը համացանցի հասանելիությամբ առաջատար է Հարավային Կովկասում. Gallup

Gallup-ի կողմից անցկացված հարցումների համաձայն՝ 2011թ.-ին համացանցը աշխարհում հասանելի էր բնակչության 32%-ին: Gallup-ը հարցումներ է անցկացրել աշխարհի 148 երկրներում, և 2010թ.-ի համեմատ ինտերնետի հասանելիությունը ավելացել է 3%-ով:

Դեռևս 2011թ դրությամբ Հայաստանում ինտերնետը հասանելի էր բնակչության 33%-ին: Եվ չնայած այն բանին, որ Հայաստանն ինտերնետ հասանելիության ոլորտում ցուցակի առաջատար դիրքերում չէ, Հարավային Կովկասում նա այսուհանդերձ այդ առումով առաջ է անցել իր մյուս հարևաններից. Վրաստանում ինտերնետը հասանելի է բնակչության 29%-ին, իսկ Ադրբեջանում՝ ընդամենը 15%-ին:

Իսկ ահա մեր հարևան Թուրքիայում և Իրանում համացանցն ավելի մատչելի է՝ Իրանում կազմելով 38%, Թուրքիայում՝ 40%:

Աշխարհում ինտերնետային ամենահասանելի համակարգն ունեն Շվեդիան և Սինգապուրը: Այս երկրների բնակիչների 93%-ը նշել է, որ նրանք տանն ունեն հասանելի ինտերնետ: