Պակիստանի Գերագույն դատարանը կարգադրել է ձերբակալել վարչապետին

Պակիստանի Գերագույն դատարանը հունվարի 15-ին կարգադրել է ձերբակալել երկրի վարչապետ Ռաջա Փերվեզ Աշրաֆին, հայտնում է Ալ-Ջազիրան:

Հեռուստաընկերության տվյալներով՝ Պակիստանի կառավարության ղեկավարին կասկածում են կաշառակերության մի շարք դեպքերում: Նրան մեղադրում են կառավարության անունից բջջային էլեկտրագեներատորներ ձեռք բերելու հետ կապված մեքենայություների մեջ:

Վարչապետի հետ ձերբակալվելու է նրա շրջապատից ևս 15 մարդ: Դատարանի վճռով նախնական լսումները կկայանան հունվարի 16-ին:

Աշրաֆի արձագանքի մասին ոչինչ հայտնի չէ: