Freedom House-ի զեկույցում Հայաստանը համարվում է «մասամբ ազատ»

Freedom House միջազգային իրավապաշտպան կազմակերպության կողմից հրապարակված ցուցակում Հայաստանը որակվել է որպես «մասամբ ազատ պետություն»: Մասամբ ազատ համարվում են այն պետությունները, որտեղ սահմանափակ հարգանք գոյություն ունի քաղաքական իրավունքների և քաղաքացիական ազատությունների նկատմամբ: Մասամբ ազատ պետություններում երկրում ծաղկում է կաշառակերությունը, օրենքի գերակայությունը թույլ է, կա էթնիկ և կրոնական պայքար, իսկ քաղաքական ասպարեզում, հակառակ բազմակուսակցական համակարգին, գերիշխում է միայն մեկ կուսակցություն:

Հայաստանի քաղաքական ազատությունների գնահատականը բարձրացել է՝ հաշվի առնելով մայիսին տեղի ունեցած խորհրդարանական ընտրությունները, որոնց միջոցով խորհրդարանում իրենց տեղն ունեցան նաև ընդդիմադիր գործիչներ: Գնահատականն անկում էր գրանցել 2008 թվականի ընտրություններից հետո տեղի ունեցած բռնությունների արդյունքում:

Լեռնային Ղարաբաղի քաղաքական գնահատականն էլ է բարձրացել. այն ոչ ազատ պետությունից դարձել է ազատ պետություն հուլիսին տեղի ունեցած մրցակցային ընտրությունների արդյունքում:

Նշենք նաև, որ ըստ այս դասակարգման՝ Ադրբեջանը գնահատվել է որպես «ոչ ազատ պետություն»: