Ի՞նչ է արել Քաղաքացիական ծառայության համակարգը 2012-ին

2012թ. Հայաստանի քաղաքացիական ծառայության համակարգում հայտարարվել է թափուր պաշտոնների զբաղեցման մասին 750 հայտարարություն, որոնցից կայացել է 665-ը: 85 մրցույթներ չեն կայացել հիմնականում դիմումատուներ չլինելու պատճառով: Կայացած 91 մրցույթներում հաղթող ճանաչվողներ չեն եղել: Ընդհանոր առամբ կայացած մրցույթներին մասնակցել է 1325 քաղաքացի:

Անցնող տարվա ընթացքում 4 փուլով անցկացվել են նաև կրտսեր թափուր պաշտոնների համալրման համար անհրաժեշտ հավաստագրման թեստավորումները, որոնց մասնակցել է 1719 քաղաքացի: Նրանցից 1375-ը, ստացել են հավաստագրեր և դրանց հիման վրա' կրտսեր թափուր պաշտոններ զբաղեցնելու իրավունք: Անցած տարվա ընթացքում հավաստագիր ունեցող քաղաքացիների կողմից համալրվել է քաղաքացիական ծառայության թվով 252 թափուր կրտսեր պաշտոն:

2012 թ. ՀՀ քաղաքացիական ծառայության խորհուրդ է ներկայացվել ծառայողական քննություն անցկացնելու 10 դիմում: Դրանցից 6-ը ներկայացրել են կարգապահական տույժ կիրառելու իրավասություն ունեցող պաշտոնատար անձինք, 4-ը քաղաքացիական ծառայողները' պարզելու իրենց նկատմամբ կիրառված կամ կիրառվելիք կարգապահական տույժի հիմնավորվածությունը: Դիմումների հիման վրա ՀՀ ՔԾԽ-ի կողմից անցկացվել է 7 ծառայողական քննություն:

Քաղաքացիական ծառայողների կողմից ներկայացված 4 դիմումների կապակցությամբ նշանակվել է 3 ծառայողական քննություն (2 քաղաքացիական ծառայողների դիմումներով անցկացել է 1 ծառայողական քննություն): Դրանց արդյունքում' 1 քաղաքացիական ծառայողի կողմից ներկայացրած դիմումը համարվել է անհիմն, իսկ նրա նկատմամբ կիրառված կարգապահական տույժը' հիմնավոր: 3 քաղաքացիական ծառայողի մասով ՀՀ ՔԾԽ-ն միջնորդվել է նրանց նկատմամբ կիրառել ավելի մեղմ պատիժ:

Կարգապահական տույժ կիրառելու իրավասություն ունեցող պաշտոնատար անձանց կողմից ներկայացված 6 դիմումներից 5-ով նշանակվել են ծառայողական քննություններ: Դրանց արդյունքում' 2 ծառայողական քննություն դադարեցվել է, 1-ով' տրվել է համաձայնություն կիրառելու զբաղեցրած պաշտոնից ազատման հանգեցնող կարգապահական տույժը, 1-ով' համաձայնություն չի տրվել քաղաքացիական ծառայողին ազատել զբաղզեցրած պաշտոնից' և միջնորդվել է կիրառել «խիստ նկատողություն» կարգապահական տույժ: 1 դիմումի կապակցությամբ ծառայողական քննություն չի նշանակվել' համապատասխան դիմումը ծառայողական քննություն անցկացնելու կարգով սահմանված ընթացակարգերի խախտմամբ ներկայացված լինելու պատճառով: 1 ծառայողական քննությունն դեռևս ընթացի մեջ է:

Անցնող տարվա ընթացքում ՀՀ ՔԾԽ-ն, քաղաքացիական ծառայության օրենսդրության պահպանման և կադրային գործի վարման նկատմամբ վերահսկողության իրականացման նպատակով համակարգում ընդգրկված մարմինների աշխատակազմում անցկացրել է 6 ուսումնասիրություն: Դրանցից 5-ի պարագայում օրենսդրության պահանջների էական խախտումներ, սխալներ ու թերացումներ չեն հայտնաբերվել: Իսկ ուսումնասիրություններից մեկով կատարվել են միջնորդություններ' կապված աշխատանքի ցածր կատարողականների դեպքում աշխատավարձի իջեցում կարգապահական տույժը կիրառելու' սահմանված պահանջների պահպանման հետ: