Արժեր իմանալ, թե մեր մշակույթ ասելով Քոչարյանն ի՞նչ նկատի ունի․ Մանուկ Նիգոյան (տեսանյութ)

 

«Երկար ժամանակ որոշել էի չխոսել, բայց...

 

Ի պատասխան լրագրողի այն հարցին, թե Ինչու՞ Հայաստանից հեռացավ Վանո Սիրադեղյանը, Քոչարյանը շահարկելով Վանոյի մահացած լինելու փաստը, պատասխանում է՝ «Մեր մշակույթի մեջ ըտենց ընդունված չի» նկատի ունենալով, որ չի կարող խոսել մահացած մարդու մասին: 

 

Նախ արժեր իմանալ, թե մեր մշակույթ ասելով Քոչարյանն ի՞նչ նկատի ունի, որովհետև ես չգիտեմ, թե հայոց լեզվին չտիրապետող և Տերունական աղոթքը չիմացող Քոչարյանն ի՞նչ մշակույթի կրող է, ավելորդ եմ համարում խոսել հայկական մշակութային ժառանգության՝ օրինակ Աֆրկյանների տան նկատմամբ Քոչարյանի վերաբերմունքի մասին, որի օրոք այդ և տասնյակ այլ կարևոր մշակութային հուշարձաններ հողին հավասարեցվեցին, իսկ Երևանի քաղաքապետարանի նախկին շենքը դարձավ Քոչարյանի ընտանիքին պատկանող բանկի գրասենյակ: 

 

 

 

Մյուս կողմից, խոսելով Սիրադեղյանի տարագրության մասին, ինչ-որ մշակույթի կրող Քոչարյանն ասում է, որ վանոն «Փախել է», արձանագրենք, որ այդ բառն արդեն իսկ մեղադրանք է մահացած մարդու հասցեին, բայց չշեղվելով փորձենք վերլուծել, թե ինչի՞ց է փախել Վանոն, սպանվելու՞ց ինչպես Վազգեն Սարգսյանը, Խորխոռունին, Արծրուն Մարգարյանը, Դեմիրճյանը, Բախշյանը, Մարտի 1-ի զոհերը, անարդար դատավճռի՞ց ինչպես՝ Աշոտ Բլեյանը, Ազատ Արշակյանը, պատվազրկումի՞ց՝ ինչպես ուսադիրներից զրկված Վաղարշակ Հարությունյանը:

 

 Ինչպես Վանոն էր Քոչարյանի իշխանության օրոք ԱԺ ամբիոնից ասում՝ «Ովքե՞ր են խոսում օրենքի անունից։ Մոնթեի և Արթուր Մկրտչյանի սպանություններից հետո, մեր նորակոչիկ երեխաների խոշտանգումներից և խաղաղ ժամանակ գնդակահարություններից հետո ինչպիսի անխոցելի լկտիություն պետք է ունենալ Հայաստանում դատավորի դեր ստանձնելու, օրենքի անունից խոսելու համար։»

 

Հ.Գ. եթե նման նուրբ ու բազմաշերտ թեմաներով հարցեր պիտի ուղղեն անտեղյակ, անպատրաստ ու պապանձված լրագրողներն ինչպիսին այս վիդեոյում հարց տվող կիսապապանձված աղջիկն է, ապա՝ չարժե»,-գրել է Նիգոյանը