Է՞լ ինչ անեն երեխաները, Ժաննա Անդրեասյան. Անահիտ Ոսկանյան

ԿԳ ՍՄ նախարար Ժաննա Անդրեասյանը շրջաբերական է իջեցրել՝ «առաջարկելով» դպրոցներին հետևել, մաքրել, պահպանել «մոտակայքում գտնվող հուշարձանները»։

Ի՞նչ է պատահել, Ժ. Անդրեասյան, պետության պահպանության տակ գտնվող հուշարձանները «չուլաննոց» են դարձել, չե՞ք կարողանում, չե՞ք հասցնում պահպանել, մաքրել։ Երեխաներին մեկ էլ տեսար հավաքում են՝ ձորերում աղբը հավաքելու, թե՝ փոքրուց հետևեն երկրի մաքրությանը։ Առանց մտածելու, թե ինչ աղբի հետ են շփվում երեխաները։

Հիմա էլ՝ «հետևել իրենց մոտակայքում գտնվող հուշարձանների պահպանությանն ու խնամքին, մաքրությանը»։

Ինչ ասեմ՝ դեռ հոկտեմբեր ամիսն է, դեռ ամեն օր Պատերազմում զոհված- անմահացած տղաների հիշատակման օրեր էին։ Ինչ դասեր առաք դուք, Ժ. Անդրեասյան, Հայրենիք պաշտպանած, իրենց արյունով կրկին ու կրկին հայրենի հող սրբագործած մի ողջ սերունդից։ Տվեցիք թշնամուն, կամավոր ու դավաճանաբար, և դեռ շարունակում եք տալ Հայաստանը։

Ոնց կարող եք «դպրոցական վարքագծի կանոններ» տարածել, չունենալով բարոյական և մասնագիտական սեփական վարք։ Էլ ինչ գործ կա, որ կարող եք գցել երեխաների վրա՝ իբրև «դաստիարակչության միջոց»։

Խլածդ երկիրը վերադարձրեք, թող սովորեն տեր լինել երկրին։