ՀՀ ԱԺ նախագահի ցավակցական հեռագիրը

ՀՀ ԱԺ նախագահ Հովիկ Աբրահամյանը ցավակցական հեռագիր է հղել Վլադիմիր Աբաջյանի մահվան կապակցությամբ.

«Սրտի խոր ցավով տեղեկացա հայ թատրոնի, կինոյի եւ ասմունքի նշանավոր վարպետ, ժողովրդական արտիստ Վլադիմիր Աբաջյանի մահվան մասին:

Մեզանից հեռացավ տաղանդավոր արվեստագետ ու պայծառ, անկեղծ մարդ, ով անձնվիրաբար ծառայելով հայ մշակույթին՝ իր կյանքը նվիրեց հայ պոեզիան սերունդներին հասցնելու եւ հայ թատրոնի դասական ավանդույթները շարունակելու գործին:

Վարպետի ստեղծած աբաջյանական ընդգծված ոճը, կմնա հայ բեմի ու ասմունքի պատմության եւ ժողովրդի հիշողության մեջ:

Անկեղծորեն կիսում եմ Վլադիմիր Աբաջյանի հարազատների ու մերձավորների վիշտը եւ ցավակցում նրանց»: