Հայաստանն ավելի մեծ ուշադրություն պետք է դարձնի Արևմուտքին. Հայաստանում ԱՄՆ դեսպան

ԱՄՆ Կոնգրեսում հանդիպում է տեղի ունեցել Հայաստանում ԱՄՆ դեսպան Ջոն Հեֆերնի հետ: Ինչպես հայտնում է «Ամերիկայի ձայն» ռադիոն դեսպանը ներկայացրել է հայ-ամերիկյան հարաբերությունները քաղաքական և տնտեսական բնագավառներում, ինչպես նաև անդրադարձել է Լեռնային Ղարաբաղի հակամարտությանը և հայ-թուրքական հարաբերություններին:

Հեֆերնը նշել է հայ-թուրքական սահմանների բացման անհրաժեշտությունը՝ շեշտելով միջսահմանային և տնտեսական կապերի հաստատման կարևորությունը: Խոսելով հայերի ցեղասպանության մասին՝ դեսպանը նշել է այն հանգամանքը, թե ինչպես է ԱՄՆ բնութագրում 1915 թվական դեպքերը, որոշվում է բարձրագույն մարմիներում, ընտրված քաղաքական գործիչների կողմից, այլ ոչ առանձին դեսպանների կամ Վաշինգթոնի կողմից:

Անդրադառնալով ներկաներից մեկի հարցին, թե ինչպես կարող է Մինսկի խումբը օգնել Լեռնային Ղարաբաղի հակամարտությանը, երբ Ադրբեջանի նախագահ Իլհամ Ալիևն անընդհատ հանդես է գալիս սպառնալիքով և հակահայկական կոչերով՝ պատասխանել է, որ Մինսկի հանձնախումբը ոչ թե դատավոր է, այլ ընդամենը միջնորդ և հիշեցրել ԱՄՆի և Մինսկի խմբի քայլերը այդ ուղղությամբ:

Հաֆերնը նաև անդրադարձ է կատարել հայ-ամերիկայն հարաբերություններին՝ նշելով, որ այդ հարաբորությունները ջերմ են հատկապես հաշվի առնելով Հիլարի Քլինթոնի այցը Հայաստանը 18-ամյա ընդմիջումից հետո: Սակայն տնտեսական հարաբերությունները դեռևս չեն գտնվում անհրաժեշտ մակարդակի վրա: «Ամերկայի կողմից նոր հավելյալ ներդրումների համար անհրաժեշտ են բարեփոխումներ բիզնեսի ոլորտում, մրցունակության ապահովում, բարեփոխումներ և թափանցելիություն մաքսային ոլորտում»,- ավելացրել է նա:

Նա նաև նշել է, որ Հայաստանում ԱՄՆ դեսպանության խնդիրն է օգնել երկրին դառնալու ավելի ժողովրավարական, բարգավաճ և անվտանգ՝ կարևորելով այդ հարցում թափանցիկ ընտրությունների անցկացումը:

Հաֆերնը նաև անդրադարձ է կատարել հայ-իրանական հարբերություններին՝ նշելով որ սխալ է Իրանի սահմանումը որպես կենսական ճանապարհ Հայաստանի տնտեսության համար: Նա նաև նշել է, որ պետք չէ թերագնահատել հայ-ռուսական հարաբերությունները, սակայն Հայաստանը պետք է ավելի մեծ ուշադրություն դարձնի Արևմուտքին: