Վրաստանը կամրապնդի Արևելքի և Արևմուտքի միջև կապող օղակի իր դերը. Կոբախիձե

«Միջին միջանցք»-ի նախաձեռնությունը կարող է չափազանց կարևոր դեր խաղալ տարբեր երկրների միջև տնտեսական գործընկերության և առևտրային կապերի զարգացման գործում: Այս մասին հայտարարել է Վրաստանի վարչապետ Իրակլի Կոբախիձեն Չինաստանի կենտրոնական հեռուստատեսությանը տված հարցազրույցում, փոխանցում է Sputnik Georgia-ն:

Նա նշել է, որ Չինաստանը, Կենտրոնական Ասիայի երկրները, Ադրբեջանը և Վրաստանը շատ հետաքրքիր և կարևոր ուղի են ձևավորում տնտեսական համագործակցության և առևտրային փոխգործակցության համար: «Հենց այդ պատճառով էլ մենք հավատարիմ ենք մնում Միջին կամ Տրանսկասպյան միջանցքի ամրապնդման գաղափարին։ Վրաստանը հուսալի գործընկեր է տարածաշրջանի բոլոր երկրների համար և, մեր կարծիքով, կկարողանա դրական դեր խաղալ համագործակցության հետագա ամրապնդման գործում», - ընդգծել է Կոբախիձեն։

Վարչապետը նաև նշել է, որ «մեկ գոտի, մեկ ճանապարհ» նախաձեռնությանը մասնակցությունը Վրաստանի համար մեծ հեռանկարներ է բացում. «Մենք ձգտում ենք առավելագույնս իրացնել մեր տարանցիկ ներուժը և ակտիվորեն ներդրումներ ենք կատարում ենթակառուցվածքային նախագծերում»: