Ուժեղ համայնքները ձևավորում են ուժեղ պետություն, իսկ կազմակերպված ինքնակառավարումն ապահովում է երկրի կայունությունն ու զարգացման հավասարակշռությունը. մարզպետ
Հրապարակումներ
Վարոց ձորի մարզպետ Վահագն Արսենյանը գրել է.
«Տեղական ինքնակառավարման մարմինների հարգելի' ներկայացուցիչներ, գործընկերներ և ավագանու անդամներ, սրտանց շնորհավորում եմ ձեզ Տեղական ինքնակառավարման մարմինների կազմավորման օրվա առթիվ։
Հայաստանում տեղական ինքնակառավարման համակարգը տարիների ընթացքում կայունորեն զարգացել և ամրապնդվել է՝ դառնալով պետական կառավարման համակարգի կարևորագույն հենասյուներից մեկը։ Այսօր այն ներկայացնում է ժողովրդավարության գործնական իրագործման լավագույն օրինակներից մեկը՝ հնարավորություն ընձեռելով յուրաքանչյուր քաղաքացու ակտիվորեն մասնակցելու համայնքի կառավարմանը, կիսելու պատասխանատվությունը և նպաստելու համայնքային կյանքի շարունակական բարելավմանը։
Ուժեղ համայնքները ձևավորում են ուժեղ պետություն, իսկ կազմակերպված ինքնակառավարումն ապահովում է երկրի կայունությունն ու զարգացման հավասարակշռությունը:
Շնորհավորում եմ բոլոր համայնքային ծառայողներին, ավագանու անդամներին և ղեկավարներին՝ կատարած նվիրված ու պատասխանատու աշխատանքի, և մեր պետության զարգացման գործում ունեցած իրենց ներդրման համար։
ՈՒՂԻՂ ԵԹԵՐ
Ամենադիտված 
Ես տրամադրված եմ լքել ԱՄՆ–ն, Հայաստանը մեր ձեռքից գնում է․ Վարդան Ղուկասյան
