ԵԱՏՄ. դեղագործական արտադրանքի շուկայի զարգացումը

Կայացել է «ԵԱՏՄ դեղագործական ոլորտի զարգացման ուղիները» թեմայով սեմինար։ Քննարկվել են դեղագործության ոլորտում թվային ինժինիրինգի, նյութերի արտադրության տեղայնացման հեռանկարների, ԵԱՏՄ տարածքում միջազգային կոոպերացիայի զարգացման խոչընդոտների վերացման հարցերը:

«Արդյունաբերության զարգացման վեկտորը պետք է ուղղված լինի ոչ միայն այս կամ այն արտադրանքը համեմատաբար կարճ ժամանակահատվածում փոխարինելուն, այլ տեխնոլոգիական տեղաշարժի և միությունում նոր իրավասությունների ստեղծման համար պայմանների ապահովմանը», – նշել է ԵՏՀ արդյունաբերության և ագրոարդյունաբերական համալիրի հարցերով Կոլեգիայի անդամ Գոհար Բարսեղյանը:

Միջոցառմանը մասնակցել են դեղ արտադրողների խոշորագույն ձեռնարկությունների, ճյուղային կլաստերների և ասոցիացիաների, նորարարական ընկերությունների, միության երկրների ազգային կարգավորող մարմինների ղեկավարները, ինչպես նաև ԵԱՏՄ-ին կից դիտորդ պետության՝ Կուբայի դեղագործական ոլորտի ներկայացուցիչները: