Հարավային Օսեթիայի ԱԳՆ–ն արձագանքել է Վրաստանի որոշմանը

Հարավային Օսիայի ԱԳՆ-ում արձագանքել են Թբիլիսիի որոշմանը՝ լուծարելու Հարավային Օսիայի համար ստեղծված վրացական վարչարարությունը։ Ըստ նախարարության, Վրաստանը պետք է ընդունի տարածաշրջանում ձևավորված իրողությունները և ներկա աշխարհաքաղաքական կարգավիճակը, իսկ երկրի ներսում ընթացող սուր քաղաքական պայքարը միայն խորացնում է ճգնաժամը։

«Սա Վրաստանի ներսում սրված ներքաղաքական դիմակայության արտացոլումն է։ Գործող աշխարհաքաղաքական իրողությունների ընդունումն այն ճանապարհն է, որը կարող է ապահովել կայունություն և խաղաղ զարգացում տարածաշրջանում», — նշում է Հարավային Օսիայի ԱԳՆ-ը։

Նախարարությունում հավելել են, որ Թբիլիսիի խոսույթը «Ռուսաստանի կողմից Հարավային Օսիայի օկուպացիայի» մասին վաղուց դարձել է մաշված թեզ և չի համապատասխանում իրականությանը։ Ավելի վաղ՝ Վրաստանի խորհրդարանի խոսնակ Շալվա Պապուաշվիլին հայտարարել էր այդ վարչարարության լուծարման և «Հարավային Օսիա» տեղանվան օգտագործումը դադարեցնելու մասին։