Բոտուլիզմի նոր դեպքեր

ՀՀ առողջապահության նախարարությունը տեղեկացնում է, որ հունվարի 8-ից առ այսօր հանրապետության տարածքում բնակչության շրջանում արձանագրվել է սննդային թունավորման՝ բոտուլիզմի 4 դեպք՝ 5 տուժածով: Դեպքերն արձանագրվել են Արարատի, Վայոց ձորի, Կոտայքի և Արմավիրի մարզերում: Համաճարակաբանական հետազոտության արդյունքում պարզվել է, որ թունավորումներն առաջացել են տնային պայմաններում պահածոյացված վարունգի մարինադի, կարմիր պղպեղի, շուշանի, ծիծակի օգտագործման հետևանքով:

Այլ սննդային թունավորման դեպքեր չեն արձանագրվել:

Արձանագրվել է նաև ալկոհոլի չարաշահման 39 դեպք, որից 11-ն ընթացել է թունավորման երևույթներով:

Բոլոր հիվանդները դուրս են գրվել լավացումով: