Վրաստանում երեք տարի անօրինական բնակության համար երկու ռուսաստանցի է ձերբակալվել

Վրաստանի ՆԳՆ-ն հայտնել է, որ Վրաստանում ձերբակալվել է Ռուսաստանի 2 քաղաքացի՝ պետական ​​սահմանն անօրինական կերպով հատելու և հանրապետությունում երեք տարի գտնվելու համար։

Նախարարությունը պարզաբանել է, որ Վլադիմիր Դուբովսկին և Ալինա Սավելևան ձերբակալվել են դատարանի որոշմամբ։ Հետաքննությունը պարզել է, որ նրանք երկիր են մտել սահմանային վերահսկողությունը շրջանցելով և վերջին երեք տարիների ընթացքում անօրինական կերպով գտնվել են Վրաստանում։

ՆԳՆ-ն նշել է, որ Դուբովսկին և Սավելևան մի քանի անգամ դիմել են ապաստան ստանալու համար, սակայն մերժվել են։ Միգրացիայի դեպարտամենտի որոշումը ուժի մեջ է մտել երկու փուլի վերանայումից հետո։