Երևանի Սուրբ Սարգիս եկեղեցում այս անգամ չի զեղչվել Վեհափառի անունը, մատուցվել է կանոնավոր պատարագ

«Հայաքվե» շարժման համակարգող Ավետիք Չալաբյանը ֆեյսբուքյան իր էջում գրում է․

Մինչև Նեռը իր կամակատարների շքախմբով ասպատակում էր Գյումրվա Յոթ վերք սուրբ տաճարը, Երևանի Սուրբ Սարգիս տաճարում տեր Շահեն քահանա Հայրապետյանի գլխավորությամբ այսօր մատուցվեց կանոնական Սուրբ և Անմահ պատարագ, որով տաճարը մաքրագործվեց և վերադարձվեց հավատացյալ ժողովրդին:

Մենք ներկա էինք պատարագին, և մեր ներկայությամբ քաջալերում էինք մեր հոգևոր հայրերին: Մեր հավատավոր ժողովուրդն էլ մեծ բազմությամբ մասնակցում էր սուրբ ծեսին, դրանով իր հավատարմությունը հավաստելով Աստծուն և իր Մայր եկեղեցուն: Աստված պահապան իր Եկեղեցուն և իր բոլոր հավատավոր զավակներին: