Գյորդելերի անվան կառավարման քոլեջի մեկամյա ծրագրի մասնակցության մրցույթ

Սոցիալական ոլորտում գործունեություն իրականացնող Գերմանիայի Դաշնային Հանրապետության ամենախոշոր հիմնադրամներից մեկը՝ «Ռոբերտ Բոշ» հիմնադրամը, հայտարարում է Կառլ Ֆրիդրիխ Գյորդելերի անվան պետական և հանրային արդյունավետ կառավարման քոլեջի 2013-2014 թթ. մեկամյա ծրագրի մասնակցության մրցույթ: Ծրագիրը նախատեսված է հանրային կառավարման ոլորտում ներգրավված գերմաներենի իմացությամբ երիտասարդների համար, ովքեր հնարավորություն կունենան ծանոթանալու հանրային կառավարման ոլորտի բարեփոխումներին, արդիականացմանը և արդյունավետ կառավարման հայեցակարգին:Ծրագիրն իրականացվում է Արտաքին քաղաքականության գերմանական ընկերակցության և «Ռոբերտ Բոշ» հիմնադրամի Կենտրոնական և Արևելյան Եվրոպայի կենտրոնի համագործակցությամբ:

Մեկամյա ծրագիրը կմեկնարկի 2013 թ. օգոստոսի 31-ին: Հայտադիմումներն անհրաժեշտ է ներկայացնել «Ռոբերտ Բոշ» հիմնադրամ՝ մինչև 2013 թ. փետրվարի 28-ը: