«Ժողովուրդ». Կա հաստակ հրահանգ 7 տոկոս տնտեսական աճ արձանագրել

«Ժողովուրդ»-ի լավատեղյակ աղբյուրների պնդմամբ՝ իշխանական վերնախավում ՀՀ ազգային վիճակակագրական ծառայությանը հստակ հրահանգ է իջեցվել 2012թ. արդյունքներն ամփոփելիս արձանագրել 7 տոկոս տնտեսական աճ:

Սա, ի դեպ, այն թիվն է, որ հրապարակել էր Սերժ Սարգսյանն ամանորյա իր ուղերձում: Կասկած չկա, որ հունվարի վերջին, երբ արդեն ԱՎԾ-ն հրապարակի իր ցուցանիշները, այդ թիվը կամրագրվի պաշտոնապես: Ու սա այն դեպքում, երբ 2012թ. Հայաստանում չի բարձրացել ոչ աշխատավարձը, ոչ կենսաթոշակը, ավելին, օտարերկրյա ներդրումների առումով էլ ավելի քան 35 տոկոս նվազում է արձանագրվել: Այնպես որ, որքան էլ իշխանությունները քարոզչական նկատառումներով տնտեսական աճ ֆիքսեն, ՀՀ շարքային քաղաքացին, միևնույն է, իր մաշկի վրա չի զգացել դա: