«Հրապարակ». Եթե «տարածքում» է Սերժ Սարգսյանը, անշլագ է
Հայկական Մամուլ
Մինչ վերջերս ՀՀԿ նորոգված շենքում սենյակները դատարկ էին: Նախընտրական քարոզարշավի մեկնարկին զուգընթաց, Մուշեղ Լալայանը լքել է գրադարանի տարածքը՝ այն զիջելով լրագրողներին, և բարձրացել 4-րդ հարկի իր նոր սենյակ: ՀՀԿ-ում անվտանգության համակարգն ուժեղացվել է: Եթե առաջներում ելումուտն ազատ էր, հիմա պահպանության ծառայության աշխատակիցը խնդրում է սպասել, ստանում է թույլտվություն ու նոր ներս թողնում: ՀՀԿ գրասենյակում աշխուժությունն սկսվում է կեսօրից հետո, իսկ եթե «տարածքում» է Սերժ Սարգսյանը, անշլագ է։
Նախորդ օրը ԳՄ նիստը հանգիստ է ընթացել՝ ոչ մի հետաքրքիր հարց չկար օրակարգում: Ինչպես տեղեկացրին «ծերերը», վերջին շրջանում ԳՄ նիստերը կրկին վերադարձել են իրենց «պատկերին». եթե մինչ այդ սպասման մթնոլորտ էր, թե ինչպես են ընթանալու ընտրությունները, ինչ ֆորմատով է մասնակցելու ԲՀԿ-ն, ինչ է ասելու Գագիկ Ծառուկյանը «հաջորդ դասին», ապա հիմա Սերժ Սարգսյանը կրկին սկսել է ԳՄ-ում քննարկել գեոքաղաքական հարցեր՝ Եվրասիական և Մաքսային միությանը, Ռուսաստանի հետ սպասվելիք ռազմատնտեսական համաձայնագրին առնչվող՝ փորձելով լսել «ծերերի» կարծիքն այդ մասին:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
