ՄԱԿ-ի գլխավոր քարտուղարը ԱՄՆ-ին և ՌԴ-ին կոչ է անում կրճատել միջուկյաին զինանոցը

ՄԱԿ-ի գլխավոր քարտուղար Բան Կի Մունը, ուրբաթ օրը ելույթ ունենալով Կալիֆորնիա նահանգի Միջազգային հետազոտությունների ինստիտուտում, հայտարարել է, որ Մոսկվայի և Վաշինգթոնի միջև բանակցությունները պետք է հանգեցնեն զանգվածային ոչնչացման զենքի քանակի կրճատմանն ուղված երկկողմ քայլերի։

Բան Կի Մունը նշել է, որ կողմերին հնարավորույթուն է տրվելու վճռորոշ քայլեր ձեռնարկել միջուկային զինանոցի կրճատման և միջուկային ծրագրերի թափանցիկությունն ապահովելու համար։

Նա նշել է այն հատուկ պատասխանատվությունը, որը դրված է միջուկային գերտերությունների վրա և կոչ է արել նրանց ինքնուրույն քայլեր ձեռնարկել զինանոցների զինաթափման և դրանց նկատմամբ հսկողության հաստատման ամրապնդման ուղղությամբ։