Դուք, «վեհահարանը` բենթլի», «վեհարանը` բոտեքսի» կամ «վեհարանը` վեհի» շարժման մասնակիցներ, ինքներդ որոշեք, թե ով եք դուքԼ Վահե Գրիգորյան

Գաղտնիք չէ նաև, որ որևէ կրոնի հետևորդ չեմ, սակայն խորագույն հարգանք ու ակնածանք եմ տածում Հայաստանյայց Առաքելական Սուրբ Եկեղեցու հանդեպ` պատրաստ լինելով պաշտպանել նրան աղանդավորներից ու այլ չարքերից։

2,5 տարվա ընթացքում շատ հաճախ եմ զբոսնել Մայր Աթոռի տարածքում` Վաղարշապատ քաղաքի միակ բարեկարգ հատվածում.ամեն անգամ Մայր Տաճար մտնելիս (իսկ դա, հավատացեք, շատ հաճախ էր). մուտք գործելիս միշտ գլուխս կախ է եղել, ոտքերս` փակ, մտքերս` մաքուր։

Օրերս դիտում էի, թե իրենց քրիստոնյա, առավելևս` Հայաստանյայց Առաքելական եկեղեցու հետևորդ համարող մի տիրադավ խառնամբոխ ինչպիսի խուլիգանական պահվածք էր ցուցաբերում Սրբության տարածքում` Ազգային սրբության` բոլոր Հայերի համար, ու կրոնական սրբության` բոլոր Քրիստոնյա Հայերի համար։

Էլ հայհոյանքներ, էլ լկտի պահվածք, էլ ննջեցյալ կաթողիկոսների ու Սրբության պատերի վրա մագլցումներ։

Հետո հիշեցի, որ մահմեդականների մարգարե Մոհամեդը հատուկ հրահանգով (ըստ պատմիչ Զեկի ալ-Դինի) արգելել էր դիպչել Հայկական եկեղեցիներին և Հայերին (626թ հրամանը պահվում է Երուսաղեմի Հայոց պատիրարքարանուն)։

Ընդ որում` խալիֆ Օմար առաջինը Երուսաղեմի գրավումից հետո հրամայել էր բոլոր քրիստոնյաներին լքել քաղաքը անհապաղ, սակայն այդ հրամանը հայերին չէր վերաբերում, և ոչ մի Հայկական եկեղեցի չէր քանդվել։

Անկրկնելի Սալլահ ադ Դինը Երուսաղեմը գրավելուց հետո ևս չդիպչեց Հայկական եկեղեցիներին. անգամ թուրքերը 1517թ գրավելով Երուսաղեմը չեն փորձել պղծել Հայկական եկեղեցիները։

Նադիր Շահի` Էջմիածին այցելության ու ծիսակարգին մասնակցության մասին ևս բոլորդ գիտեք. առնվազն` հուսով եմ։

Հիմա, դուք, «վեհահարանը` բենթլի», «վեհարանը` բոտեքսի» կամ «վեհարանը` վեհի» շարժման մասնակիցներ, ինքներդ որոշեք, թե ով եք դուք` պատերի վրա բարձրանալով, հայհոյելով ու լկտի պահվածքով, բայց առնվազն ակնհայտ է, որ ո'չ քրիստոնյա եք, ո'չ ՀԱՍԵ հետևորդ, ո'չ էլ ուղղակի պարկեշտ մարդ։

Եվ վերջում. շատ ավելի լավ է, որ մարդ սովետական ԿԿԲ-ի գործակալ լինի (Մարիուս Յուզբաշյանի հայտնի կենացը ու Բորիս Կևորկովի կերած ապտակը վկա), քան եկեղեցու պատերին մագլցող ու հայհոյող «ինքնիշխան»։

Ցտեսություն