Գործադիր իշխանության ղեկավարը ի՞նչ գործ ունի միջամտի եկեղեցու գործերին,մի հատ էլ իր կեցավայրից ուղերձ հղի. Շարմազանով

Գործադիր իշխանության ղեկավարը ի՞նչ գործ ունի միջամտի եկեղեցու գործերին,մի հատ էլ իր կեցավայրից ուղերձ հղի։ Այս մասին գրել է ՀՀԿ Գործադիր մարմնի անդամ Էդուարդ Շարմազանովը։

«Ու՞ր մնաց եկեղեցին անջատված է պետությունից սկզբունքը։

Ժողովրդավարական բաստիոնում արդեն վարչապետի կեցավայրից են եկեղեցու բարենորոգման ծրագիր հռչակում։

Միջազգային կառույցներ, ի՞նչ կա…

Էսա կգաք լոլոներ կարտաբերեք նիկոլիզմի ժողովրդավար լինելու մասին,չէ՞։

Դե իսկ Փաշինյանն էլ բոլոր հարցերը լուծել է, հիմա զբաղված է հոգեւոր կյանքի բարենորոգումով էլի…

Հայաստանի 240 քառ կմ ազատագրել է ադրբեջանական օկուպացիայից, հայ ռազմագերիներին վերադարձրել է Հայաստան, արցախահայերի Արցախ վերադարձի հարցը բարով խերով լուծել է, հիմա էլ զբաղված է եկեղեցու «բարենորոգումով»»,- գրել է Շարմազանովը։

Ավելի վաղ Շարմազանովը գրել էր․ «Վիճակը նետված է, Ռուբիկոնն էլ՝ անցած։

Վեհափառի հեռացում կամ հանգստի կոչել հնարավոր չէ,եթե ինքը՝Վեհափառը կամովին չի գնում այդ քայլին։

Իսկ Վեհափառը բազմիցս նշել է, որ մտադիր չէ լքել Լուսավորչի գահը։

Կա կարծիք,որ պետք է բարենորոգել Եկեղեցին ու կանոնական դաշտում մաքրել Հայ Եկեղեցին նիկոլիզմի սրտի «բարենորոգիչներից»։

Ի՞նչ են նիկոլական «բարենորոգումների» հռչակագրի վերաբերյալ կարծում մեր նվիրապետական աթոռները։

Ո՞րն է մինչ օրս կարծիք չհայտնած «չեզոք» սրբազանների կարծիքը։

Անհրաժեշտ է նրանց հստակ արձագանքը նիկոլիզմի «բարենորոգումների» ծրագրին։

Եկեղեցու ու Վեհափառի ամենապինդ հենարանը քահանայից դասն է ու հավատացյալ հանրությունը։

Ժամանակը չէ՞ կանոնական դաշտում անդրադառնալ այս հարցին։

Հակառակ պարագայում ՝ Փաշինյանն ու իր «բարենորոգիչները» նախաձեռնում են քայլեր, իսկ Մայր Աթոռն համբերատար սպասում կամ արձագանքում է։

Վիճակը նետված է, Ռուբիկոնն էլ՝ անցած։

Հույս ունենալ, որ «բարենորոգիչ սրբազանները» կզղջան ու կդադարեն պառակտիչ գործողություններ ինքնախաբեություն է»։