Թբիլիսիում վրացուն դшնшկահшրելու համար Ուկրաինայի քաղաքացի է ձերբակալվել

Վրաստանի Ներքին գործերի նախարարության աշխատակիցները ձերբակալել են Ուկրաինայի մի քաղաքացու Թբիլիսիում տեղի ունեցած դանակահարության դեպքով։ Այս տեղեկատվությունը հրապարակել է Վրաստանի Ներքին գործերի նախարարությունը։

Նախարարության տվյալներով՝ հունվարի 7-ին, վիճաբանությունից հետո, մեղադրյալը սուր ծակող-կտրող զենքով դանակահարել է մեկ անձի և փախել դեպքի վայրից։

«Վրաստանի ՆԳՆ Թբիլիսիի ոստիկանության դեպարտամենտի Ձվելի Թբիլիսիի գլխավոր բաժանմունքի աշխատակիցները ձերբակալել են 1995 թվականին ծնված Ուկրաինայի քաղաքացի Վ.Ռ.-ին՝ դիտավորյալ մարմնական վնասվածք հասցնելու մեղադրանքով։

Քննությունը պարզել է, որ այս տարվա հունվարի 7-ին Թբիլիսիում, վիճաբանության արդյունքում, մեղադրյալը սուր զենքով դանակահարել է 2003 թվականին ծնված քաղաքացի Ա.Ռ.-ին և փախել դեպքի վայրից։

Վիրավորը տեղափոխվել է կլինիկա՝ համապատասխան բժշկական օգնություն ստանալու համար։

Ձեռնարկված օպերատիվ-հետախուզական միջոցառումների արդյունքում մեղադրյալը անմիջապես ձերբակալվել է։ Հանցագործության գործիքը՝ դանակը, առգրավվել է որպես ապացույց։

Քննությունը տարվում է Վրաստանի քրեական օրենսգրքի 118-րդ հոդվածով, որը նախատեսում է մինչև երկու տարի ազատազրկում»,-հաղորդագրությունից մեջբերում է արել «Գռուզիա օնլայն»-ը։