Այսօր ԱՄՆ-ում նշվում է Մարթին Լյութեր Քինգի տոնը

Այսօր ԱՄՆում նշվում է հրապարակախոս և իրավապաշտպան Մարթին Լյութեր Քինգի օրը: Սկսած 1986 թվականից՝ ԱՄՆ-ը հունվարի յուրաքանչյուր երրորդ երկուշաբթին նշում է որպես պետական տոն՝ նվիրված Մարթին Լյութեր Քինգին:

Մարթին Լյութեր Քինգը ծնվել է 1929 թվականի հունվարի 15-ին ԱՄՆ-ի Ջորջիա նահանգի Ատլանտա քաղաքում: Կրթությունը ստացել է Դեվիդ Հովարդի քոլեջում:

1954 թվականին Քինգը Մոնթգոմերիում դառնում է բապտիստական եկեղեցու հոգևորական, որտեղ գլխավորում է ռասայական խտրականությամբ ղեկավարվող հասարակական տրանսպորտի հասարակական բոյկոտը: Բոյկոտը կապված էր սևամորթի բանտարկության հետ, որը մերժել էր իր տեղը զիջել սպիտակամորթին: 1957 թվականից նա սկսեց դասախոսություններ կարդալ` նվիրված երկրում սևամորթների իրավունքների պաշտպանությանը:

1963 թվականի օգոստոսի 28-ին Վաշինգթոնի հայտնի հանրահավաքի կազմակերպիչներից մեկն էր, որտեղ ներկա էր գտնվում շուրջ 200,000 մարդ։ Այնտեղ էլ նա հանդես եկավ իր ճանաչված «I have a dream» (ես երազանք ունեմ) ելույթով: Այս հանրահավաքից հետո 1964 թվականին ընդունվեց օրենք մարդու իրավունքների վերաբերյալ, իսկ ինքը արժանացավ նոբելյան մրցանակի ռասայական խտրականության դեմ տարվող պայքարի շարժման մեջ իր ներդրումն ունենալու համար:

1966 թվականին նա այն հանրային գործիչներից մեկն էր, որ հանդես եկավ Վիետնամի պատերազմի դեմ, իսկ 1968 թվականին մասնակցեց աղքատության դեմ տարվող պայքարին: 1968 թվականի ապրիլի 4-ին Մարթին Լյութեր Քինգը մահացու վնասվածք ստացավ և մահացավ Սեն-Ջոզեֆի հիվանդանոցում: