Սթրոս-Քանն իրեն բռնաբարության մեջ մեղադրող սպասուհուն կվճարի 1.5 մլն դոլար

Արժույթի միջազգային հիմնադրամի փոխնախագահ Դոմինիկ Սթրոս-Քանը Նյու Յորքի Sofitel հյուրանոցի սպասուհուն, որը նրան մեղադրում է իրեն բռնաբարության մեջ, կվճարի 1.5 մլն դոլար: Այս մասին տեղեկացնում է Agence France Press գործակալությունը:

63-ամյա քաղաքական գործիչը և 33-ամյա սպասուհի Նաֆիսաթու Դիալոն համաձայնության էին եկել դեկտեմբերին: Այն ժամանակ ԶԼՄ-ները ենթադրում էին, որ համաձայնությունը արժեցել է 5 մլն դոլար, որի 30%-ը Դիաթլոն պետք է տրամադրի իր փաստաբաններին:

Սա առաջին դեպքը չէ, որ սպասուհուն վարձատրում են այս սկանդալային գործի շրջանակներում: Այսպես, New York Post պարբերականը նրան փոխհատուցել էր այն բանի համար, որ իր հոդվածներից մեկում նրան անվանել էր մարմնավաճառ:

Հիշեցնենք, որ քաղաքական գործիչը ձերբակալվել էր 2011 թվականի մայիսի 14-ին բռնաբարության մեղադրանքի հիման վրա: Արժույթի միջազգային հիմնադրամի փոխանախագահը մի քանի օր բանտում անցկացնելուց հետո տնային կալանքի տակ էր առվել: 2011 թվականի մայիսի 19-ին Սթրոս Քանը հրաժարվեց իր պաշտոնից, ինչպես Ֆրանսիայի նախագահական ընտրություններին իր մասնակցությունից: