Ամերիկուհի միլիոնատերը մեկ բեռնատար զուգարանի թուղթ է նվիրաբերել
ԱՄՆ
Օհայո նահանգի բնակչուհի 60-ամյա Ռեգինա Ջոնսը շատ լավ է հիշում այն մարդասիրական օգնությունը, որը նրան ցուցաբերվել էր տեղի բարգեգործական ընկերություններից մեկի կողմից այն ժամանակ, երբ նա անաշխատունակության պատճառով 8 ամիս չէր կարողանում աշխատանքի գնալ: Ամերիկուհու խոսքերով՝ նա և իր 81-ամյա մայրն ամեն ամիս պարբերաբար 2 փաթեթ զուգարանի թուղթ էին ստանում բարեգործական ընկերության կողմից:
Որքան էլ տարօրինակ հնչի, կինն ի սրտե շնորհակալ է դրա համար: Վերջերս կինը վիճակահանությամբ մեկ միլիոն դոլար էր շահել: Հարկերը մուծելուց հետո նրան մնացել էր 700,000 դոլար: Ջոնսը հայտարարել է, որ ցանկանում է գումարի մի մասը տրամադրել նույն բարեգործական ընկերության համար մեկ բեռնատար զուգարանի թուղթ գնելու նպատակով: Ամեն դեպքում, նա պատրաստ է ընկերությանը տրամադրել համապատասխան գումարը:
Ռեգինա Ջոնսի առատաձեռնությունը մեծ ազդեցություն էր ունեցել ամերիկյան կոսմետիկ արդյունաբերության հսկա Procter & Gamble ընկերության դուստր ձեռնարկության վրա, որը զբաղվում է զուգարանի թղթի արտադրությամբ, և վերջինս որոշել էր 4 հազար դոլարի զուգարանի թուղթ նվիրաբերել ընկերությանը: Դրա շնորհիվ հնարավոր կլինի Ջոնսի հատկացրած գումարը տրամադրել կարիքավորների համար սննդի և հագուստի ձեռքբերման նպատակով:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
