Վրաստանի զբոսաշրջային եկամուտները 2025 թվականին աճել են

Galt & Taggart հետազոտական կազմակերպության տվյալներով՝ 2025 թվականին զբոսաշրջությունից ստացված եկամուտները գնահատվել են 4.6 միլիարդ դոլար, ինչը տարեկան 4.9% աճ է։ Այս մասին գրում է aliq.ge-ն։

Ներդրումային բանկի շուկայական շաբաթական թարմացման համաձայն՝ 2025 թվականի դեկտեմբերին զբոսաշրջությունից ստացված եկամուտները տարեկան աճել են 5.3%-ով՝ հասնելով 280 միլիոն դոլարի։

«Մենք կանխատեսում ենք, որ զբոսաշրջությունից ստացված եկամուտները 2026 թվականին կհասնեն 4.9 միլիարդ դոլարի», — նշված է զեկույցում։

Ներդրումային բանկը նաև գնահատել է Իրանում առկա իրավիճակի ազդեցությունը Վրաստանի զբոսաշրջային ոլորտի վրա։

«Վրաստանի տնտեսական կախվածությունն Իրանից հիմնականում սահմանափակվում է զբոսաշրջությամբ. Իրանից ստացված զբոսաշրջային եկամուտները 2025 թվականի հունվար-սեպտեմբեր ամիսներին կազմել են ընդհանուր եկամուտների 2.7%-ը։ Մենք գնահատում ենք, որ այս ցածր կախվածության պայմաններում Իրանում երկարատև անկայունության դեպքում Վրաստանի զբոսաշրջային ոլորտի վրա ազդեցությունը նվազագույն կլինի»,- նշված է զեկույցում։