Իրան-Հայաստան դաշինքը հակազդում է Վաշինգթոն-Բաքու աշխարհաքաղաքական առանցքին. ESISC

Ռազմավարական հետախուզության և անվտանգության եվրոպական կենտրոնը (European Strategic Intelligence and Security Center - ESISC) հրապարակել է 67 էջանոց հաշվետվություն «հայ-իրանական հարաբերությունների» մասին: 

Այնտեղ մասնավորապես նշված է, որ 20 տարվա ընթացքում Իրանը Հայաստանի հիմնական և ամենահուսալի դաշնակիցներից մեկն է, և Իրանի կողմից Հայաստանի անկախության ճանաչումից հետո 1991 թվականին երկու պետությունները ամրապնդել են քաղաքական հարբերությունները և ստանձնել մի շարք քաղաքական ծրագրերի իրականցումը: 

«Առաջին հայացիքից այդպիսի հարաբերությունները իսլամական հանրապետության և քրիստոնեկան պետության միջև կարող են թվալ հակասական, սակայն այն հակազդում է Վաշինգտոն-Բաքու քաղաքական առանցքին»,- նշված է հաշվետվության մեջ: 

Ինչպես ասվում է, այս հարաբերությունները օգնում են Հայաստանին դուրս գալ Թուրքիայի և Ադրբեջանի տնտեսական շրջափակումից, իսկ Իրանին հնարավորություն են տալիս դուրս գալ եվրոպական և ռուսական շուկաներ: Թեհրանը իր հերթին Հայաստանի հետ ջերմ հարաբերություններով հնարավորություն է ստանում շրջանցել միջազգային պատժամիջոցները և զարգացնել իր ատոմային հավակնությունները:

Հաշվետվության հեղինակների տեսանկյունից այդպիսի դաշինքը նաև ուղղված է ադրբեջանական տարածքային պահանջների դեմ և թուլացնում է Ադրբեջանի դիրքերը Կասպից ծովի ռեսուրսների պայքարում: Հեղինակները նշում են. «Կովկասում դիրքեր ունենալով` Իրանը հնարավորություն է ստանում հակազդել տարածաշրջանում Ամերիկայի կամ Եվրոմիության ներթափանցմանը և պատասխանել իր ավանդական հակառակորդների` Թուրքիայի և Իսրայելի ռազմավարական հավակնություններին»: