Եվրատեսիլ 2013-ի համար Հանրային հեռուստաընկերությունը նոր որոշում է կայացրել

Սույն թվականի Մայիսի 14-ին, 16-ին և 18-ին Շվեդիայի Մալմո քաղաքում տեղի կունենա Եվրատեսիլ երգի մրցույթը։ Այս մասին տեղեկացնում է Հայաստանի հանրային հեռուստաընկերությունը։

Ավելի վաղ Հայաստանի Հանրային հեռուստաընկերությունը հայտարարել էր Հայաստանի մասնակցի ներքին ընտրության մասին: Սակայն, հաշվի առնելով, մրցույթին մասնակցել ցանկացողների զգալի թիվն ինչպես ՀՀ-ից, այնպես էլ արտերկրից, կայացվել է նոր որոշում.

Հնարավորություն ընձեռել բազմաթիվ կատարողներին, հեղինակներին ներկայանալու հեռուստադիտողի և պրոֆեսիոնալ ժյուրիի դատին՝ ապահովելով առողջ մրցակցություն:

Ս.թ. մարտի 2-ին Առաջին ալիքի ուղիղ եթերում տեղի կունենա Եվրատեսիլ երգի մրցույթի Հայաստանյան ազգային ընտրությունը, որին կարող են մասնակցել հետևյալ կանոններին համաձայն:

Կատարող(ներ)ի տարիքը պետք է լինի ոչ պակաս քան 16 տարեկան:
Բեմում կարող են լինել ոչ ավել քան 6 հոգի:
Հիմնական կատարող(ներ)ը և բեք-վոկալ կատարող(ներ)ը պետք է երգեն կենդանի ձայնով: Երգում ձայնագրված այլ ձայներն անընդունելի են:
Մասնակցող երգը պետք է պաշտոնապես հրատարակված չլինի մինչև 01.10.2012թ-ը:
Մասնակցող երգի տևողությունը պետք է չգերազանցի 3 րոպեն:
Մասնակցող երգը կարող է լինել ցանկացած լեզվով:
Քաղաքական, գովազդային, վիրավորական և նմանատիպ այլ բնույթի խոսքերն ու բեմադրությունն անթույլատրելի են:
Բեմում կենդանիներն արգելվում են: