«168 ժամ». Կենդանաբանական այգում վերջին օրերին կենդանիները սատկում են
Հայկական Մամուլ
Շաբաթ օրը www.168.am-ը՝ հղում անելով իր աղբյուրներին, տեղեկացրել էր, որ Երևանի կենդանաբանական այգում վերջին 3 օրերին կենդանիներ են սատկել: Ըստ կայքի աղբյուրների, երկու երիտասարդ առյուծներն էգ առյուծին գզել էին սովի պատճառով: Սատկել է նաև մեկ մուֆլոն, որի ոտքն օրեր առաջ կոտրվել էր: Սատկել է նաև 10 ճագար, ինչպես նաև ջրլող թռչուններ: Ճագարները ևս, ըստ նույն աղբյուրների, սատկել են սովից:
Երեկ Երևանի կենդանաբանական այգու տնօրենը հաստատել է կենդանիների՝ սատկելու մասին տեղեկությունները, սակայն ասել է, որ դրանց սատկելու պատճառը սովը չի եղել: «Կենդանաբանական այգիները կառավարվող համակարգեր են: Մի պատկերացրեք, որ դա վայրի բնություն է, ու կենդանիները վայրի բնության մեջ ազատ ապրում են, ծնվում են, սատկում են, մեկը մյուսին ուտում է, և այլն, և այլն: Կենդանաբանական այգիները կառավարում են իրենց թե ծնելիությունը, թե կենդանիների վիճակը, թե հիվանդությունները...»,- այս ոճի ինչ-որ դատողություններ է ներկայացրել Կենդանաբանական այգու տնօրենը՝ փորձելով դասագրքային ճշմարտությունների միջոցով արդարացնել իր աշխատանքի արդյունքում կենդանիների սատկելու դեպքերը:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
