Դպիր Աբրասիմ Աթոյանը եւս հրաժարվեց տիրադավներից ու վաճառված քահանաներից

Ես՝ Աբրասիմ Արշավիրի Աթոյանս՝ Հայ Առաքելական Սուրբ Եկեղեցու զավակս, գիտակցաբար և ամբողջ պատասխանատվությամբ՝ իմ խղճի, հավատքի և Աստծո առաջ հրապարակավ հայտարարում եմ իմ դիրքորոշումը, որ ՀՐԱԺԱՐՎՈՒՄ ԵՄ եմ բոլոր ՏԻՐԱԴԱՎՆԵՐԻՑ, նրանց հավատարմության ներքո գործող վաճառված ՔԱՀԱՆԱՆԵՐԻՑ և բոլոր այն անձանցից, ովքեր ժխտում են իրենց սրբազան ուխտը և խաթարում են Եկեղեցու աստվածահաստատ կարգը։

 

Հայտարարում եմ, որ՝ եթե նույնիսկ լինեմ մահվան մահճում,

կամ եթե նրանք դառնան Հայաստանի վերջին քահանաները, միևնույն է՝ չե՛ն օրհնի իմ տունը, չե՛ն մկրտի իմ զավակին նրանցից չե՛մ ընդունի Սուրբ Հաղորդություն, արգելում եմ, որ իմ հուղարկավորության կարգը և մնացյալ կարգերը կատարվեն վերոնշյալ ուրացող, հուդա անունը վաստակած քահանաների կողմից:

Այս անում եմ՝ ոչ ատելությունից դրդված, այլ ճշմարտության հավատարմությունից, ոչ մարդկանց դեմ՝ այլ դավաճանության, ոչ ժամանակավոր շահի՝ այլ հավիտենական արժեքների համար։ Սա՝ գիտակցված հավատքի ընտրություն է և ոչ թե քմահաճույք:

 

Հավատը չի կարող ծառայել դավաճանությանը,

Եկեղեցին չի կարող ղեկավարվել ուխտազանցությամբ,

և քրիստոնյայի խիղճը չի կարող լռել, երբ սրբությունները խեղաթյուրվում են։

Ես մնում եմ հավատարիմ իմ Եկեղեցուն, նրա աստվածահաստատ կարգին և ճշմարիտ հոգևորականությանը։