Աշխարհի ամենալայն հետույքը ռեկորդներ է գրանցում

Ամենուր, որտեղ հայտնվում է 39-ամյա ամերիկուհի Մայքլ Ռուֆինելին, իր վրա է հավաքում մարդկանց ապշահար հայացքները: Մարդիկ կանգ են առնում, դուրս հանում իրենց հեռախոսները, որպեսզի լուսանկարեն նրան, ծիծաղում են հաճախ նրա հետևից: Ոչ ոք չի կարող անցնել 39-ամյա կնոջ կողքով, քանի որ նա իր մարմնով շուրջբոլորը զբաղեցնում է ամբողջ 2.5 մետր տարածք: Կինը ռեկորդ է գրանցել՝ ունենալով աշխարհի ամենալայն հետույքը՝ 250 սմ:

Կանանց մեծամասնությունը միանշանակ դժգոհ կլիներ նման կառուցվածքից, սակայն ոչ Ռուֆինելին: «Ես ինձ հաճույքով եմ նայում հայելու մեջ: Ես սիրում եմ ինձ հենց այնպես, ինչպես որ կամ»,-նրա խոսքերը մեջբերում է Bild-ը:

Սակայն կինը խոստովանում է. երբեմն մարմնի ճոխ առավելությունները իսկական բեռ են դառնում: Անհրաժեշտ է բոլոր զգեստները հարմարեցնել իր կառուցվածքին: Դռնով անցնելիս նա շրջվում է կողքի, լոգանք ընդունելիս լոգախցիկի դուռը երբեք չի փակում, որպեսզի պատահաբար չխցանվի դռների արանքում: Ինքնաթիռում նա միանգամից երկու հոգու տեղ է զբաղեցնում և այլն:

Չար լեզուները շշնջում են, թե նա արհեստականորեն է հաստացրել իր ազդրերը: Դա անհեթեթություն է՝ հերքում է Մայքլը: Իմ հետույքի ամեն մի կիլոգրամն ավելացել է 4 երեխա լույս աշխարհ բերելու արդյունքում: Իհարկե, դրանում միայն գենետիկային մեղադրելը սխալ է, քանի որ ես օրական ընդունում եմ 3000 կկալ-ով հարուստ սնունդ: Եվ այդ բոլորը իրենց հանգրվանն են գտնում իմ ազդրերի վրա:

Սակայն 39-ամյա կինը չի էլ երազում փետուրե թեթևությամբ մոդելի կառուցվածքի մասին: «Ես օրինակ եմ այլ կանանց համար,-ասում է Մայքլը։-Ես հուսով եմ, որ ավելորդ քաշ ունեցող կանայք լսում են ինձ և մտածում. «Ահա նա աշխարհի ամենահաստ հետույքն ունի, սակայն երջանիկ է իր մարմնում»»: