Եվա Ռիվասը՝ անձնական կյանքի, «Եվրատեսիլ»-ի մասին

Երգչուհի Եվա Ռիվասը ask.fm-ի միջոցով պատասխանել է երկրպագուների հարցերին: Վերջիններին հուզող թեմաները բազմաբնույթ էին: Պարզվում է' երգչուհին նախկինում սպորտով է զբաղվել՝ յոգա և բռնցքամարտ, իհարկե, սիրողական մակարդակով:

Եվան, թեև սեր չունի, բայց կարողանում է համեղ կերակուրներ պատրաստել, ավելին, նույնիսկ մասնագիտական դասընթացներ է անցել ու դիպլոմ էլ ունի. սիրած ուտեստը խորովածն է: Սեղանը զարդարելու գործում ռոմանտիկ է, սիրում է մոմեր, որոնց առկայությունը, իր խոսքով, նույնիսկ թեյ խմելն է տոն դարձնում: Այս մասին գրում է mamul.am-ը:

Հարց ու պատասխանի գլխավոր հատվածը վերաբերում էր նրա անձնական կյանքում սպասվող հնարավոր փոփոխություններին ու հարցին՝ ցանկություն ունի մասնակցել «Եվրատեսիլ»-ին, թե ոչ:

-Հնարավո՞ր է Ձեզ կրկին տեսնենք «Եվրատեսիլ» մրցույթում:
- Այո, սակայն այժմ այդ ուղղությամբ չեմ մտածում:
- Նախորդ տարի ցանկություն էիք հայտնել կրկին մասնակցելու «Եվրատեսիլ»-ին, իսկ այս տարի՝ ոչ: Ինչո՞վ է դա պայմանավորված:
- Նախորդ տարի ես հետաքրքրված էի այդ մրցույթով նրա համար, որ այն անց էր կացվելու Ադրբեջանում:
-Ձեր սիրտը զբաղվա՞ծ է:
-Ոչ:
-Խոսում են, որ Դուք զուգընկեր ունեք:
- Եթե ես ցանկանայի խոսել իմ անձնական կյանքի մասին, հաստատ դա չէի անի ask.fm-ում:)))
- Ձեր զուգընկերոջ հետ ծանոթությունից հետո Դուք առավել քիչ եք երևում: Դա նշանակո՞ւմ է, որ նա խիստ անձնավորություն է:
- Ես արդեն հայտնեցի, որ իմ անձնական հարցերն այստեղ չեմ քննարկելու: Երկրորդ՝ ես ընկերություն չեմ անի մի տղամարդու հետ, ով իմ հանդեպ խիստ կլինի և կարգելի դուրս գալ հասարակության մեջ: Զույգերի մոտ պետք է փոխըմբռնում և վստահություն լինի:
- Ե՞րբ եք գալու Հայաստան:
-Փետրվարին: