«Եվրատեսիլ-2013»-ին Հայաստանը կներկայացնի Գոռ Սուջյանը

Րոպեներ առաջ Հանրային հեռուստաընկերությունը հրապարակեց այդքան սպասված «Եվրատեսիլ 2013»-ի Հայաստանը ներկայացնող երգչի անունը:

Այս տարի Շվեդիայի Մալմյո քաղաքում կայանալիք երգի միջազգային մրցույթին Հայաստանը կներկայացնի «Դորիանս» խմբի մենակատար Գոռ Սուջյանը:

Ըստ Հանրային հեռուստաընկերության տարածած նոր որոշման հեռուստադիտողը իրավունք կունենա ինքը որոշելու, թե որ երգով ներկայանա Հայաստանը: Մեջբերում.

«Ս.թ.-ի մարտի 2-ին Առաջին ալիքի ուղիղ եթերում տեղի կունենա Եվրատեսիլ երգի մրցույթի Հայաստանյան ազգային ընտրությունը, որի ընթացքում գեղարվեստական հանձնաձողովի կողմից ընտրված մասնակիցը կկատարի մրցութային երգերը: Երգի մրցույթին կարող են մասնակցել հետևյալ կանոններին համաձայն:

• Հեղինակի տարիքը պետք է լինի ոչ պակաս, քան 16 տարեկան:
• Բեմում կարող են լինել առավելագույնը 6 հոգի, ուստի երգում ձայնագրված ձայների քանակը պետք է լինի 6-ից ոչ ավել:
• Մասնակցող երգը պետք է պաշտոնապես հրատարակված չլինի մինչև 01.10.2012թ-ը:
• Մասնակցող երգի տևողությունը պետք է չգերազանցի 3 րոպեն:
• Մասնակցող երգը կարող է լինել ցանկացած լեզվով:
• Քաղաքական, գովազդային, վիրավորական և նմանատիպ այլ բնույթի խոսքերն ու բեմադրությունն անթույլատրելի են»:

Հիշեցնենք, որ սույն թվականի մայիսի 14-ին, 16-ին և 18-ին Շվեդիայի Մալմյո քաղաքում տեղի կունենա «Եվրատեսիլ-2013» երգի մրցույթը: