«Ժողովուրդ». Ռոբերտ Քոչարյանը սկսել է ակտիվ ընթերցանությամբ զբաղվել

Պարզվում է՝ ՀՀ երկրորդ նախագահ Ռոբերտ Քոչարյանն իր պաշտոնավարումից հետո սկսել է ակտիվ ընթերցանությամբ
զբաղվել: «Ժողովուրդ»-ը գրում է, որ նրա ոչ պաշտոնական կայքը՝ 2- rd.am-ը հրապարակել է Քոչարյանի ընթերցած գրքերի ցանկը, որոնց թվում նաև՝ Стивен Кови «Семь навыков высокоэффективных людей», «8-й навык: от эффективности к величию», «Лидерство, основанное на принципах», У. Эдвард Деминг «Новая экономика», Bernard Lewis «The Crisis of Islam» և այլն: Այս հանգամանքն ուշագրավ է այն առումով, որ ժամանակին՝ ԵՊՀ- ում ուսանողների ու դասախոսների հետ հանդիպման ընթացքում, Քոչարյանը հեգնանքով ասել էր, թե ինքն իր նախորդի՝ Լևոն Տեր- Պետրոսյանի նման գիրք կարդալ չի սիրում: Թե ինչ է նշանակում գրքերի այս ցանկը, մնում է ենթադրել, կա՛մ այսպես Քոչարյանի քարոզարշավն են անում, կա՛մ էլ նա իմաստնացել է ու հասկացել ընթերցանության նշանակությունը: