Այսօր ծիծաղի վարպետ Կարպ Խաչվանքյանի ծննդյան օրն է (տեսանյութեր)

Այսօր նշանավոր դերասան Կարպ Խաչվանքյանի ծննդյան օրն է: Ծնվել է 1923 թվականին՝ Ախլցխայում: Վրաստանի «Վրացֆիլմ» կինոդերասանի դպրոցն ավարտելուց հետո, 1944թ հրավիրվում է Երևանի երաժշտական կոմեդիայի նորաստեղծ թատրոն և 54 տարի լինում թատրոնի առաջատար դերասանը: Կարպը սիրվեց ժողովրդի կողմից, աշխատեց անմնացորդ, դարձավ իր թատրոնի խորհրդանիշը, իր մարմնավորած անզուգական կերպարներով և իր բեմադրած բարձարվեստ բեմադրություններով հարստացրեց թատրոնի պատմությունը:

Առաջին դերը Բոնին էր՝ Կալմանի «Սիլվա» օպերետում (1944թ. նոյեմբերի 4), որը միանգամից հռչակեց նրան և իր վրա հրավիրեց ժամանակի ամենախստապահանջ մասնագետների ուշադրությունը:

Կարպը խաղաց դասական գրեթե բոլոր օպերետներում, սակայն առանձնակի վերաբերմունք ուներ հայկական օպերետների և երաժշտական կոմեդիաների հանդեպ:

Կարպը փայլուն երգում էր, պարում, նվագում էր տարբեր գործիքների վրա, նույն թատրոնում ստեղծել է 13 բեմադրություն, նկարահանվել է «Հայֆիլմ» կինոստուդիայի նկարահանած 4 կինոնկարներում, տասնյակ դերեր է ստեղծել հեռուստատեսային ներկայացուներում, մասնակցել ռադիոբեմադրությունների:

Այսօր էլ շատերը երաժշտական կոմեդիայի թատրոնն անվանում են «Կարպի թատրոն»:

«Պահանջվում է ստախոս»՝

«Տաքսի, տաքսի»՝