ԱՄՆ-ում հայտնվել է գրիպը բուժող պաղպաղակ

Պաղպաղակ արտադրող ամերիկյան ընկերությունը նոր աղանդեր է արտադրում, որը օգնում է հաղթահարել գրիպի վիրուսը, գրում է ABC News-ը:

Ինչպես պարզաբանել է ընկերության տնօրեն Բրիթոն Բաուերը, նման տարօրինակ քաղցրավենիք ստեղծելու գաղափարը իրենց մոտ ծագել էր 2004թ-ին:

Պաղպաղակը պարունակում է մեղր, կոճապղպեղ, նարնջի և կիտրոնի հյութ: Նրա կազմում մտնում են նաև այլ օգտակար բաղադրիչներ:

Մեղրը փափկեցնում է գրիպի ժամանակ բորբոքված կոկորդի լորձաթաղաթը, նարնջի և կիտրոնի հյութն ապահովում են անհրաժեշտ վիտամին C-ն, իսկ պղպեղը թեթևացնում է շնչառությունը:

12 դոլար արժողությամբ բուժիչ պաղպաղակը պատրաստում են փետրվարից վաճառքի հանել: