Արդեն երեք օր նախագահի թեկնածուն հացադուլի մեջ է

Արդեն երրորդ օրն է ՀՀ նախագահի թեկնածու Անդրիաս Ղուկասյանը «Վերջ շինծու ընտրություններին» ցուցապաստառով ԳԱԱ շենքի հարակից տարածքում անժամկետ հացադուլ է իրականցնում: 

Թեկնածուն պայքարում է շինծու ընտրությունների դեմ: Հացադուլի ընթացքում թեկնածուին այցելել է նախագահի մեկ այլ թեկնածու, «Ժառանգություն» կուսակցության նախագահ Րաֆֆի Հովհաննիսյանը, որպեսզի հորդորի վերջինիս դադարեցնել հացադուլը: Երեկ  ՀՀ նախագահի թեկնածու, ԱԻՄ նախագահ Պարույր Հայրիկյանը ևս այցելեց վերջինիս:

Ինչպես արդեն տեղեկացրել էինք, նախագահի թեկնածուն հայտարարել էր՝ «մինչև քարոզարշավի սկիզբն իշխող կուսակցության թեկնածուի գրանցումն անվավեր չճանաչելու դեպքում անձամբ իմ և հանրության ընտրական իրավունքը համարելու եմ խախտված: Իմ քաղաքացիական պարտքը թելադրում է այդ իրավունքը պաշտպանելու համար հայտարարել անժամկետ հացադուլ»: