Հայաստանում կբացվի խեցեգործների միություն

«Մանե Թայլս» ընկերության նախաձեռնությանբ դեկտեմբեր ամսին «Մանե Թայլս»-ի խանութ-սրահում տեղի ունեցավ Հայաստանի խեցեգործների հանդիպումը: Հանդիպման նպատակը Հայաստանի Խեցեգործների Միության ստեղծումն էր: Բայց մինչ ստեղծելը, անհրաժեշտ էր հանդիպել որոլտի մասնագետների հետ ո միասին հասկանալ ստեղծվելիք միության խնդիրներն ու նպատակները:

Հանդիպման ընցաքում «Մանե Թայլս» ընկերության տնօրեն Լուսինե Մոսոյանը ներկաներին մի փոքր ծանոթացրեց «Մանե Թայլս» ընկերության գործունեության ու նպատակների հետ, իսկ այնուհետև ընկերության տնօրենի տեղակալ Պավել Հովհաննիսյանը ներկայացրեց Խեցեգործների Միություն ստեղծելու անհրաժեշտությունը:

«Հայաստանի Խեցեգործների Միության առաջնահերթ խնդիրներից պետք է լինի արտասահմանյան անորակ կերամիկայի ներմուծման կրճատումը, ինչը կբարձրացնի տեղական խեցեգործական արտադրանքի նկատմամբ պահանջարկը: Նպատակ կա նաև ստեղծելու հայկական խեցեգործների համար հումք հանդիսացող նյութերի ներմուծման կենտրոնացված մեխանիզմ: Դրա շնորհիվ հնարավոր կլինի հեշտացնել անհատ ձեռներեցների համար հումքի ձեռքբերումը, ինչի արդյունքում կիջնի ներմուծվող հումքի գինը»,- նշեց Պավել Հովհաննիսյանը:

Պարոն Ղազարյանին և ներկաներից շատերին անհանգստացնում էր այն փաստը, որ դեռ ժամանակին այսպիսի նախաձեռնություններ եղել են, բայց մնացել են զուտ թղթի վրա, վախենում են, որ սա էլ հերթականը չլինի. «Նկարիչների միությունը ունի Կիրառական դեկորատիվ արվեստի ենթաբաժին, որտեղ մեզնից շատերը գրանցված են, բայց սուտ չեմ ասի, եթե նշեմ, որ մեզնից շատ քչերն են գոնե ամիսը մեկ անգամ մտնում Նկարիչների միություն: Նույն բանը չստացվի»,- նշում է խեցեգործ Սիմոն Տերյանը:

Պավել Հովհաննիսյանը հավաստիացնում է'այս դեպքում պատմությունը չի կրկնվի, արդեն կան ծրագրեր, որոնք 2013 թվականից կսկսվեն իրականցվել. «Ծրագրերից մեկը ինտերնետային կայքի պատրաստումն է. ամեն մի խեցեգործ կունենա իր անհատական էջը, որտեղ կցուցադրվեն նրա աշխատանքները: Մեկ այլ ծրագիր է ցուցահանդեսների կազմակերպումը, որոնք կանցկացվեն Միության բացման պահից ու կունենան շարունակական բնույթ: Ցուցահանդեսների անցկացման համար «Մանե Թայլս» ընկերությունը պատրաստ է տրամադրել իր խանութ-սրահը: Գոյություն ունեն նաև մի շարք հեռանկարային ծրագրեր, ինչպիսիք են, օրինակ, խեցեգործների դպրոցի հիմնադրումը, համատեղ խանութի բացումը և այլն »,- ասաց Պավել Հովհաննիսյանը:

2013 թվականի առաջին եռամսյակի ընթացքում տեղի կունենա խեցեգործների թվով երկրորդ հանդիպումը, որի ընթացքում մանրամասն կքննարկվի Խեցեգործների Միության ստեղծման իրավաբանական հիմքերը, ինչպես նաև համատեղ գործունեության ծրագրերը:

Հատվածներ խեցեգործների հետ հանդիպումից կարող եք դիտել այստեղ՝