«Իրանի միջուկային օբյեկտների վրա հարձակումը շատ վտանգավոր գաղափար է». Լավրով
Ռուսաստան
«Ռուսաստանը դեմ է Իրանի դեմ որևէ ռազմական գործողությունների սկսմանը, սակայն նաև կոչ է անում Թեհրանին համագործակցել ՄԱԳԱՏԷ–ի տեսուչների հետ»,- այս մասին նշել է ՌԴ ԱԳ նախարար Սերգեյ Լավրովը՝ տեղեկացնում է Reuters գործակալությունը:
Լավրովը նաև ավելացրել է, որ Իրանի միջուկային օբյեկտների վրա հարձակումներ նախապատրաստելը և իրականացնելը շատ վտանգավոր քայլ է և հույս է հայտնել, որ այն տեղի չի ունենա:
Իսրայելի վարչապետ Բենիամին Նեթանյահուն չորեքշաբթի օրը՝ ընտրվելուց հետո, նշել է, որ Իրանի՝ ատոմային ռումբ ստեղծելու քայլը կանխելը կլինի նոր կառավարության հիմնական նպատակը: Նեթանյահուն նաև իր հայտարարությունների մեջ չի բացառել միջուկային օբյեկտների վրա հարձակման հնարավորությունը:
Անդրադառնալով այն հարցին, որ Իրանը թույլ չի տվել ՄԱԳԱՏԷ–ի տեսուչներին մուտք գործել միջուկային օբյեկտների տարածք, Լավրովը նշել է. «Իրանցի պաշտոնյաները նշել են, որ իրենք ցանկանում են լիովին համաձայնեցված պայմանագիր ունենալ: Մենք մտածում ենք, որ մեր իրանական գործընկերները կարող են արագացնել իրենց քայլերը»:
Լավրովը նաև նշել է, որ Իրանի և մեծ վեցնյակի միջև հանդիպումները կշարունակվեն, սակայն անցակցման վայրին չի անդրադարձել:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
