Մարգարիտա Սիմոնյանին կոչում են շնորհել
Հրապարակումներ
«Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանին «Կրասնոդար քաղաքի պատվավոր քաղաքացի» կոչում է շնորհվել։ Տեղեկությունը հայտնում է ՌԻԱ Նովոստին:
Կոչումն ու «Ծառայությունների համար» հուշամեդալը հանձնել է Կրասնոդարի քաղաքապետ Եվգենի Նաումովը Կրասնոդարի ազատագրման 83-րդ տարեդարձին նվիրված հանդիսավոր միջոցառման ժամանակ:
«Իմ կյանքում մրցանակներ շատ են եղել, բայց ես դրանք ստանալիս երբեք այնպիսի արբեցուցիչ զգացմունքներ չեմ ունեցել, ինչպիսին այս մրցանակը և այս վկայականը ստանալիս` նոստալգիայով ներծծված ուրախություն... Քաղաքային դուման և Կրասնոդարի քաղաքապետարանը որոշել են, որ ես իմ հայրենի քաղաքի պատվավոր քաղաքացին եմ, ու ես այսպիսի ուրախություն` մաքուր, լուսավոր, նոստալգիկ, երբեք չեմ զգացել», - ասել է Սիմոնյանը պարգևատրման արարողության ժամանակ:
«Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանը ծնվել և սովորել է Կրասնոդարում, լրագրողական կարիերան սկսել է որպես «Կրասնոդար» հեռուստառադիոընկերության թղթակից:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
