«Հրապարակ». ՀՀԿ-ում ամենաձեռնբացն Հովիկ Աբրահամյանն է

Նախընտրական այս փուլում ամենազբաղված մարդը ՀՀԿ-ի (նախկինում՝ ՀՀՇ-ի) Գևորիկն է. քարոզարշավի այս թեժ փուլում նա
ժամանակ չունի քիթ սրբելու, մինչդեռ անցյալում հաճույքով լրագրողների հետ շփվում էր: «Հրապարակ»-ի հարցին՝ ՀՀՇ-ի ժամանա՞կ էր լավ, թե՞ հիմա, Գևորիկն ահավոր պաթետիզմով պատասխանեց. «Այս իշխանությունն ավելի լավն է, քան նախկինը»: «Սակայն Վանիկ Սմբատիչին ոչ ոք չի հասնի, ամենաշատը նա էր փող տալիս, ասում են՝ հետ է գալու, բայց ես հարում եմ Հայաստանի հանրապետական կուսակցությանը և
հարում եմ Նժդեհի գաղափարախոսական բոլոր ծրագրերին»:

Իսկ ՀՀԿ-ում ամենաձեռնբացն ո՞վ է: «Հովիկ Արգամիչը»: Իջնում-անձա՞մբ է տալիս: «Չէ, Բագրատի միջոցով: Օր ունի, ժամ ունի, պատարագ ունի, ասել եմ, ասելու եմ՝ Ազատիչը կրել ա, կրելու ա»: Իսկ Սերժ Ազատիչը փող տալի՞ս է: «Նախկինում՝ հա, որ վարչապետ էր, պաշտպանության նախարար էր. մի անգամ Ազգային ժողովի դեմից, չէ՝ էրկու անգամ, ինձ դրեց իր ավտոն, սաղ մանթո էին, դրեց ավտո՜ն, տարավ մինչև լուսաֆորը. նա միշտ շփվել է բոլորի հետ ու առայսօր շփվում է»: Չե՞ս նեղվում, որ էլ փող չի տալիս: «Բայց էսքան մարդիկ իր մարդիկ են՝ օգնում են»:

Ի՞նչ ես անում էդքան փողը, Գևորգ: «Բանկը, բանկը՝ պետական բանկ եմ գցում, տուն էլ ունեմ, երկու հատ էլ էրեխա ունեմ: Ոչ մի շվեյցարական բանկ. Հայաստանի բանկերն ի՞նչ են եղել՝ մեռե՞լ են»: Դո՞ւ ես հարուստ, թե՞ Հայաստանի օլիգարխները: «Ես, իրենք ի՞նչ են»: Ծառուկյա՞նն էլ: «Չէ՝ էն իմ ախպերն ա, պարոն Հայրապետյանն էլ ա ախպերս, Ալեքսանյանն էլ»: Ո՞րն է նրանցից ամենաշատ տվողը: «Չեմ ասի...
պարոն Հայրապետյա՛նս»: Ծառուկյանը կնեղանա, էլ փող չի տա. «Էդ քեզ թվում ա»: